«Dombyra tartsaq, saqal qoımasaq urady, qamaıdy»: Aýǵanstanda turatyn qazaqtar qazirgi kúıi týraly aıtyp berdi

Derekti fılm YouTube jelisindegi “Jalǵyz jolaýshy” arnasynda jarııalanǵan. Fılmde Aýǵanstanda turatyn qazaqtardyń shynaıy ómiri beınelengen,-dep habarlaıdy Qandastar.kz

Fılm keıipkerleriniń aıtýynsha, qazir jastar arasynda qazaq tili birte-birte umytylyp bara jatqan kórinedi. Jastar kóbine ózbek, parsy, aýǵan tilderinde sóıleıdi eken.

El sharıǵat tártibi arqyly basqarylatyndyqtan, aýǵan qazaqtaryna dombyra tartýǵa tyıym salynypty. О́zderiniń aıtýynsha, dombyra tartqan adam jazaǵa tartylyp, dombyrasy tartyp alynady. Sondaı-aq dál sol sharıǵat tártibimen saqal qoımaǵan, namaz oqymaıtyn adamdar da jazalanady. Al kimniń namaz oqymaı júrgenin jergilikti ımamdar baqylap, bılikke habarlap otyrady eken.