دونالد ترامپ سايلاۋدا جەڭىسكە جەتتى

فوتو: اشىق دەرەككوز

اقش-تىڭ 47-پرەزيدەنتى رەتىندە دونالد ترامپ رەسمي تۇردە تانىلىپ, سايلاۋدىڭ شەشۋشى 270 داۋىسىن يەلەندى, دەپ حابارلايدى qandastar.kz

اقش ءىرى اقپارات قۇرالدارى اقپاراتى بويىنشا, ترامپ كامالا حارريسكە قاراعاندا داۋىس جيناپ, پرەزيدەنتتىك ورىنعا قايتا ورالۋدا. دەگەنمەن, رەسمي قورىتىندىلار ءالى جاريالانعان جوق.

ترامپ جاقتاستارىنا ارناعان سوزىندە امەريكانىڭ الداعى «التىن عاسىرىنا» جول اشىلاتىنىن ۋادە ەتتى.

«مەن سىزدەر ءۇشىن كۇن سايىن كۇرەسەمىن. ءبىزدىڭ بالالارىمىز بەن سىزدەر لايىقتى تىنىش جانە گۇلدەنگەن امەريكانى قۇرۋ ءۇشىن تىنىمسىز ەڭبەك ەتەمىن. بۇل ءبىزدىڭ جاڭا التىن ءداۋىرىمىز بولادى», – دەدى ول.

بۇل سايلاۋدا ترامپ شەشۋشى پەنسيلۆانيا, دجوردجيا, سولتۇستىك كارولينا, نەۆادا, اريزونا, ميچيگان جانە ۆيسكونسين سياقتى «اينىمالى» شتاتتاردا كوش باستادى. بۇل شتاتتارداعى 93 داۋىس بۇكىل كۇرەستىڭ نەگىزگى ارقاۋى بولدى.

«بۇل اقش تاريحىنداعى ەڭ ۇلى ساياسي كامبەك بولدى», – دەپ باعا بەردى ترامپتىڭ ۆيتسە-پرەزيدەنتتىككە كانديداتى دجەي دي ۆەنس.

رەسپۋبليكاشىلداردىڭ باستى تەلەارناسى Foxnews مالىمەتىنشە, ترامپ 277 سايلاۋشى داۋىسىنا يە بولسا, حارريس 226 داۋىس جينادى. Reuters اگەنتتىگى وكىلدەر پالاتاسىنىڭ سپيكەرى مايك دجونسونعا سىلتەمە جاساپ, ترامپتىڭ جەڭىسىن جاريالادى. CNN جانە NBC News دەرەكتەرى دە پەنسيلۆانياداعى جەڭىستى ترامپتىڭ ەنشىسىنە جازدى, وندا داۋىستاردىڭ 95% وڭدەلگەن ناتيجەسىندە ترامپ 50%, حارريس 48% جيناعان.

اقش ۆيتسە-پرەزيدەنتى جانە دەموكراتيالىق پارتيادان ۇمىتكەر كامالا ءحارريسدىڭ 23 قازاندا وتكەن رەسپۋبليكاشىل دونالد ترامپپەن سايلاۋ الدىنداعى كەزەكتى دەباتى وتتى.

بۇعان دەيىن ترامپ ەگەر پرەزيدەنت پەن ۇكىمەت باسىنداعىلار اۋىسپاسا – ءۇشىنشى دۇنيەجۇزىلىك سوعىس ۇش ايدان كەيىن باستالۋى مۇمكىن دەپ بولجاعان بولاتىن. سونداي-اق, ترامپ ەگەر كامالا حارريس سايلانسا  دا دۇنيەجۇزىلىك سوعىس باستالادى دەپ جۇرتتى شوشىتقان ەدى.

Orda.kz. اقش ەكس-پرەزيدەنتىنىڭ سايلاۋعا قاتىسۋىنا تىيىم سالۋعا ارەكەتتەنگەن ۇش شتاتتىڭ سوتى تۋرالى دا جازعان بولاتىن.