دونالد ترامپ سوعىس بولمايتىنىن ايتتى

فوتو:  اشىق دەرەككوز

ءبىز دايش-ءتى جەڭدىك.

اقش پرەزيدەنتتىگىنە رەسپۋبليكالىق پارتيادان ۇمىتكەر دونالد ترامپ فلوريداداعى جاقتاستارى الدىندا جەڭىسكە جەتكەنىن مالىمدەدى, دەپ حابارلايدى qandastar.kz

ترامپ بارلىق سوعىستى توقتاتاتىنىن ايتتى.

«مەنىڭ قىزمەتىم كەزىندە سوعىس بولمايدى. مەن سوعىستى توقتاتامىن. مەن وسىعان دەيىن پرەزيدەنت بولعان 4 جىل ىشىندە سوعىس بولعان جوق. سونىمەن قاتار, ءبىز دايش-ءتى جەڭدىك. سوعىس باستامايمىن, مەن سوعىستى توقتاتامىن», – دەدى ترامپ.

ترامپ زاڭسىز كوشى-قونمەن كۇرەسىپ, شەكارالاردى نىعايتۋدى كوزدەپ وتىر.

«ءبىزدىڭ ەل شۇعىل كومەككە مۇقتاج. ءبىز شەكارالاردى تۇزەيمىز, بارلىعىن رەتتەيمىز. ءبىز تاريحىمىزدا كوپتەگەن كەدەرگىلەردەن وتتىك, ەشكىم مۇنىڭ مۇمكىن ەكەنىنە سەنبەدى. مەن ۋادەلەرىمدى ورىنداپ, امەريكانى ءاربىر امەريكالىق ءۇشىن قاۋىپسىز, باي جانە مىقتى ەل ەتۋ ءۇشىن تىرىسامىن. ءبىز بارلىق جەردە, بارلىق سالالاردا وزگەرىس ەنگىزەمىز. امەريكاندىقتار قايتادان ءوز ەلدەرىندە باقىلاۋ ورناتاتىن بولادى. ەلىمىزدە ساۋد ارابياسى مەن رەسەيدەن گورى كوبىرەك مۇناي بار», – دەدى اقش پرەزيدەنتى.