«Doshırak» brendimen satylǵan jalǵan ónimderdiń iri partııasy tárkilendi

2025 jyldyń maýsym aıynda Shymkent qalasyndaǵy qoımalardyń birinen kontrafaktilik “Doshırak” ónimderiniń 26 myńnan astam danasy anyqtalyp, tárkilendi. Bul týraly Shymkent qalasy Ádilet departamentiniń bólim bastyǵy Muhtar Ábdezov málimdedi, dep habarlaıdy Qandastar.kz aqparat portaly Otyrar.kz-ke silteme jasap.

Quqyq ıesiniń ruqsatynsyz paıdalanylǵan «Doshırak» taýar belgisi beınelengen 26 112 kontrafaktilik ónim tárkilendi. Alynǵan ónimniń jalpy somasy 7 311 000 teńgeni quraıdy, — dedi ol.

Kontrafakt ónimder tanys qaptamada bolǵanymen, ishki quramy belgisiz. Qaptamada túpnusqadan birneshe aıyrmashylyqtar anyqtalǵan:

Jalǵan ónimniń mátini qysqa, al túpnusqada tolyq ári keń kólemde jazylǵan;

Kontrafaktidegi shanyshqylar sapasyz, polıetılen paketi durys tańbalanbaǵan;

Kespeniń sapasy men túsinde de aıyrmashylyq bar.

Quqyq qorǵaý organdary bul áreketterdi «Taýar belgileri týraly zańdy» jáne QR Ákimshilik quqyq buzýshylyq týraly kodekstiń 158-babyn buzý retinde saralady. Atalǵan fakti boıynsha ákimshilik is qozǵalyp, materıaldar sotqa joldandy.

Sot sheshimimen jalǵan ónimder joıylýy múmkin, al kináli tulǵalarǵa aıyppul salynady.