جاڭالىقتار
دوسسور-قۇلسارى تاسجولىندا كولىك قوزعالىسى تولىق توقتاتىلدى
اتىراۋ وبلىسىنىڭ جىلىوي اۋدانىندا جەم وزەنى ارناسىنان اسىپ, قۇلسارى قالاسىنان 20 شاقىرىم جەردەگى تاسجولدى سۋ باسىپ جاتىر, دوسسور-قۇلسارى باعىتىنداعى كولىك قوزعالىسى تولىق توقتاتىلدى. «قازاۆتوجول» مەكەمەسى سۋدى بوگەۋ جۇمىستارىن جۇرگىزىپ جاتىر. ەسكە سالا كەتەيىك, بۇگىن جىلىوي اۋدانىندا توتەنشە جاعداي جاريالاندى.
تاسقىن سۋ تۇندە قاراعاي ەلدى مەكەنىن باسىپ, تۇرعىندار قاۋىپسىز جەرگە ەۆاكۋاتسيالاندى. قۇلسارى قالاسىمەن وتەتىن قۇرساي وزەنىنىڭ ارناسى دا تولىپ تۇر. توتەنشە جاعدايعا بايلانىستى اۋدانداعى بالاباقشالار جۇمىسى توقتاتىلىپ, مەكتەپتەر ونلاين رەجيمگە كوشىرىلدى. ەرلان بيعامباەۆ, وبلىستىق پوليتسيا دەپارتامەنتى جەرگىلىكتى پوليتسيا قىزمەتى باسقارماسىنىڭ باسشىسى: — قۇلسارى-دوسسور جول قوزعالىسى تولىق توقتاتىلدى. جولدار قالىپقا كەلگەنشە بۇل باعىتتاعى جولدارعا جولعا شىقپاۋلارىڭىز, قاۋىپسىزدىككە مۇقيات بولۋلارىڭىز سۇرالادى. قازىرگى تاڭدا سۋ باسقان تاسجولدىڭ بويىندا پاترۋلدىك پوليتسيا قىزمەتكەرلەرى تۇسىندىرمە جۇمىستارىن اتقارىپ جاتىر.
