DOSSOR-QULSARY TASJOLYNDA KО́LIK QOZǴALYSY TOLYQ TOQTATYLDY

Atyraý oblysynyń Jylyoı aýdanynda Jem ózeni arnasynan asyp, Qulsary qalasynan 20 shaqyrym jerdegi tasjoldy sý basyp jatyr, Dossor-Qulsary baǵytyndaǵy kólik qozǵalysy tolyq toqtatyldy. «QazAvtoJol» mekemesi sýdy bógeý jumystaryn júrgizip jatyr. Eske sala keteıik, búgin Jylyoı aýdanynda tótenshe jaǵdaı jarııalandy.

Tasqyn sý túnde Qaraǵaı eldi mekenin basyp, turǵyndar qaýipsiz jerge evakýaııalandy. Qulsary qalasymen ótetin Qursaı ózeniniń arnasy da tolyp tur. Tótenshe jaǵdaıǵa baılanysty aýdandaǵy balabaqshalar jumysy toqtatylyp, mektepter onlaın rejımge kóshirildi. Erlan Bıǵambaev, oblystyq Polıııa departamenti jergilikti polıııa qyzmeti basqarmasynyń basshysy: — Qulsary-Dossor jol qozǵalysy tolyq toqtatyldy. Joldar qalypqa kelgenshe bul baǵyttaǵy joldarǵa jolǵa shyqpaýlaryńyz, qaýipsizdikke muqııat bolýlaryńyz suralady. Qazirgi tańda sý basqan tasjoldyń boıynda patrýldik polıııa qyzmetkerleri túsindirme jumystaryn atqaryp jatyr.