جاڭالىقتار
دسم قىزىلوردادا بوسانعان ايەلدىڭ ۆيچ ىندەتىن جۇقتىرۋ وقيعاسىنا قاتىستى تۇسىنىكتەمە بەردى
فوتو: ۇكىمەت
2025 جىلدىڭ 27 قاڭتارىندا دەنساۋلىق ساقتاۋ ءمينيسترى اقمارال ءالنازاروۆا قىزىلوردالىق ايەلگە قان قۇيىلعاننان كەيىن ۆيچ ىندەتىن جۇقتىرعانى تۋرالى اقپاراتقا قاتىستى پىكىر ءبىلدىردى, دەپ حابارلايدى qandastar.kz Zakon.kz تىلشىسىنە سىلتەمە جاساپ.
بۇعان دەيىن الەۋمەتتىك جەلىلەردە قىزىلورداداعى وبلىستىق پەريناتالدىق ورتالىقتا بوسانعاننان كەيىن اۋىر جاعدايدا تۇسكەن ايەلگە 12 دونور قان قۇيىلعانى تۋرالى اقپارات پايدا بولعان. ءبىر ايدان كەيىن ونىڭ ۆيچ ىندەتى بار ەكەنى راستالدى. حابارلامادا وسىدان كەيىن ولار تەرگەۋ جۇرگىزبەگەنى ايتىلعان.
اقمارال ءالنازاروۆا بۇل ىسكە قاتىستى تۇسىنىكتەمە بەرىپ, ونىڭ دەنساۋلىق ساقتاۋ مينيسترلىگىنىڭ باقىلاۋىندا ەكەنىن اتاپ ءوتتى.
ء«تيىستى تەرگەۋ ءجۇرىپ جاتىر. ەشكىم جاۋاپقا تارتىلعان جوق دەپ ايتا المايمىز», – دەپ قوستى مينيستر.
بۇعان دەيىن قازاقستاندا مەديتسينا قىزمەتكەرلەرىنە شابۋىل جاساعانى ءۇشىن قىلمىستىق جاۋاپكەرشىلىك كۇشەيتىلەتىنى بەلگىلى بولعان ەدى.
