الەۋمەت جانە قوعامجاڭالىقتار
دسم ماڭىزدى حابارلامانى ءبولىستى
حابارلامانى ۆەدومستۆو 2025 جىلدىڭ 17 قاڭتارىندا ءوزىنىڭ Telegram ارناسىندا جاريالادى.
«بارلىق شۇعىل مەديتسينالىق كومەك – ءمامس جۇيەسىندەگى ساقتاندىرۋ مارتەبەسىنە قاراماستان تەگىن مەديتسينالىق كومەكتىڭ كەپىلدىك بەرىلگەن كولەمى (تمككك) شەڭبەرىندە تەگىن كورسەتىلەدى»,- دەلىنگەن اقپاراتتا.
قانداي جاعدايلاردا شۇعىل قىزمەتتىڭ كومەگىنە جۇگىنۋگە بولادى?
دەنساۋلىق ساقتاۋ مينيسترلىگى سوزىلمالى نەمەسە الەۋمەتتىك ءمانى بار اۋرۋدىڭ ءورشۋى, جرۆي بەلگىلەرى نەمەسە جاراقاتتار بولعان جاعدايدا كومەككە جۇگىنۋگە بولاتىندىعىن ايتتى.
- فيلت️ر-كابينەتكە نەمەسە ءوزىنىڭ نەمەسە جاقىن ماڭداعى ەمحانانىڭ كەزەكشى دارىگەرىنە
- ️ جاقىن ماڭداعى اۋرۋحانانىڭ قابىلداۋ بولىمشەسىنە
- ️ جەدەل جاردەم شاقىرىڭىز
ەگەر مەن شۇعىل ەمحاناعا نەمەسە اۋرۋحاناعا بارسام, مەنى زەرتتەپ-قاراپ, ەمدەي مە?
ء«يا. دەنساۋلىق جاعدايىن تۇراقتاندىرۋ ءۇشىن قاجەت نارسەنىڭ ءبارى سىزگە تمككك پاكەتىندە تولىعىمەن تەگىن كورسەتىلەدى.ونىڭ ىشىندە دياگنوزدى ۆەريفيكاتسيالاۋ جانە ەمدەۋ ءتاسىلىن انىقتاۋ ءۇشىن ارنايى مامانداردىڭ قاجەتتى زەرتتەپ-قاراۋلارى مەن كونسۋلتاتسيالارى, قاجەت بولعان جاعدايدا بەكىتىلگەن تىزبەگە سايكەس ءدارى-دارمەكپەن قامتاماسىز ەتۋ جانە تاۋلىك بويى ستاتسيونارعا ەمدەۋگە جاتقىزۋ». قر دەنساۋلىق ساقتاۋ مينيسترلىگى
ەگەر ازامات شۇعىل كومەككە جۇگىنگەن الەۋمەتتىك ءمانى بار نەمەسە سوزىلمالى اۋرۋ بويىنشا د-ەسەپتە تۇرسا, تمككك پاكەتىندە مەديتسينالىق قىزمەتتەر كورسەتۋدى جالعاستىراتىن بولادى.
«سونداي-اق, «تۋبەركۋلەز» دياگنوزى قويىلعان پاتسيەنتتەرگە وڭالتۋ كومەگى تمككك پاكەتىندە كورسەتىلەدى»,- دەپ ەسكە سالدى مينيسترلىك.
