جاڭالىقتار
دسم ماڭىزدى مالىمدەمە جاسادى
فوتو: Getty images
دەنساۋلىق ساقتاۋ مينيسترلىگى ستوماتولوگيالىق قىزمەتتەرگە اقى تولەۋ تۇرىندەگى زەينەتاقى جيناقتارىن زاڭسىز شىعارۋدىڭ كوپتەگەن فاكتىلەرىنە بايلانىستى 2021 جىلعى 15 اقپانداعى «ەمدەلۋگە بىرجولعى زەينەتاقى تولەمدەرىن پايدالانۋ قاعيدالارىن بەكىتۋ تۋرالى» بۇيرىققا وزگەرىستەر ەنگىزەدى, دەپ حابارلايدى qandastar.kz
«جوبادا پروتەزدەۋ جانە تىستەردى يمپلانتاتتاۋ سياقتى ستوماتولوگيالىق قىزمەتتەرگە بىرجولعى زەينەتاقى تولەمدەرىن پايدالانۋ جونىندەگى نورمانى الىپ تاستاۋ كوزدەلەدى. شەشىم مەديتسينالىق قۇجاتتاردى فالسيفيكاتسيالاۋ جانە زەينەتاقى جيناقتارىن ماقساتسىز پايدالانۋدىڭ كوپتەگەن جاعدايلارىنا بايلانىستى», — دەلىنگەن قۇجات جوباسىندا.
بۇل شەشىم مەديتسينالىق قۇجاتتاردى قولدان جاساۋ جانە قاراجاتتى ماقساتسىز پايدالانۋ دەرەكتەرىنىڭ كوبەيۋىنە بايلانىستى قابىلدانىپ وتىر. مينيسترلىكتىڭ مالىمەتىنشە, ازاماتتاردىڭ قاراجاتى الاياقتىق سحەمالار ارقىلى بىرقاتار كلينيكالاردىڭ پايداسىنا زاڭسىز شىعارىلعان. وسىعان بايلانىستى بيىلعى 15 قىركۇيەكتەن باستاپ وتباسى بانكى ستوماتولوگيالىق قىزمەتتەردى قارجىلاندىرۋعا ءوتىنىم قابىلداۋدى توقتاتتى.
بانك دەرەگىنشە, 2021 جىلدان 2025 جىلعى 20 تامىزعا دەيىن «enpf-otbasy.kz» پلاتفورماسى ارقىلى تەك ستوماتولوگيالىق قىزمەتتەرگە 795 مىڭنان استام ترانزاكتسيا جۇرگىزىلىپ, جالپى سوماسى 757 ملرد تەڭگە جۇمسالعان. ونىڭ ىشىندە 222 ملرد تەڭگەدەن استام قاراجات ەلىمىزدىڭ ءىرى قالالارىنداعى توپ-20 ستوماتولوگيالىق كلينيكاعا باعىتتالعان.
ۇسىنىلىپ وتىرعان وزگەرىستەردىڭ باستى ماقساتى – قارجىنىڭ اشىق ءارى ماقساتتى جۇمسالۋىن قامتاماسىز ەتۋ.
