«Dýbaıda 3000 páter bar»: Ne sebepti sheteldegi múlki úshin Qazaqstandyq olıgarhtarǵa salyq salynbaıdy

Foto: ashyq derekkóz

Depýtat Rınat Zaıytov Dýbaıdan jyljymaıtyn múlik satyp alǵan qazaqstandyq olıgarhtardyń Qazaqstanda sán-saltanat salyǵyn tólemeı otyrǵanyn aıtty. Bul týraly qandastar.kz/ Stan.kz aqparat agenttigine silteme jasap habarlaıdy.

Úkimet 450 mıllıon teńgeden asatyn jyljymaıtyn múlik pen quny 75 mıllıon teńgeden asatyn avtokólikterge ulǵaıtylǵan salyqty engizýdi usynyp otyr. Sondaı-aq qymbat alkogol, temeki, kemeler men ushaqtarǵa da qosymsha akız engizilmek.

Osy oraıda depýtat Rınat Zaıytov úkimettiń shetelde qymbat jyljymaıtyn múlikteri bar qazaqstandyqtardy salyq tóleýge nege mindettemeıtinin surady.

«Jaqynda Dýbaıda 3000-nan astam páteri bar azamattardy taptyq. Olardyń árqaısysynyń quny 500 mıllıon teńgeden kem emes (Bul Eýropalyq Odaq sarapshylarynyń baıandamasynda aıtylǵan). Shetelde jyljymaıtyn múlki barlarǵa nege salyq salynbaıdy? Nege biz olarǵa salyq salmaımyz? Bul mundaı kiristi jasyrýǵa kedergi bolýy múmkin», – dedi depýtat.

Qarjy vıe-mınıstri Erjan Birjanov jyljymaıtyn múlik salyǵy múlik ornalasqan elde tólenetinin aıtty.

«Mysaly, Dýbaı azamaty bizden páter satyp alsa, oǵan Dýbaı úkimeti emes, biz salyq salamyz. Aýylda úıińiz bolsa, bul salyq osy oblystyń bıýdjetine túsedi», – dedi ol.

Dýbaıdaǵy qazaqstandyqtarǵa tıesili úsh myń páterge qatysty vıe-mınıstr bul jyljymaıtyn múlikti alýdyń zańdylyǵyn Bas prokýratýra tekseretinin túsindirdi.

«Bul olıgarhtardyń menshigi, ony zańsyz nemese qylmystyq top ıemdenýi múmkin. Bul zańdy túrde tekseriledi», – dedi Birjanov.

Aıta keteıik, buǵan deıin ulttyq ekonomıka eks-mınıstri Álibek Qýantyrov nesıege satyp alynǵan múlikterge de sán-saltanat salyǵy salynatynyn málimdegen edi.