دۋبايدا دومبىرا تارتقىسى كەلەتىن قازاقتار ​​كوبەيدى

دۋبايدا ەكى اي بۇرىن دومبىرا ۇيرەتۋ اكادەمياسى اشىلعان ەدى. قازىر وسى شاعىن مەكتەپكە كەلىپ ۇلتتىق اسپاپتى مەڭگەرىپ جاتقان قازاق دياسپوراسىنىڭ وكىلدەرى كوبەيگەن. ۇلتىمىزدىڭ سالت-ءداستۇرىن دارىپتەپ, قاسيەتتى اسپاپتى ۇيرەنۋگە دەن قويعان قانداستارىمىزبەن بيبىگۇل نىسانباەۆا ديدارلاسىپ قايتتى.

بيبىگۇل نىسانباەۆا, ءتىلشى: — ءبىز قازىر دۋبايداعى دومبىرا اكادەمياسىندا تۇرمىز. بۇل جەرگە بالالار اپتاسىنا ەكى رەت كەلىپ, ۇلتتىق اسپاپتا ويناۋدى ۇيرەنەدى. بۇل امىرلىكتەردە اشىلعان العاشقى دومبىرا سىنىبى.

اكادەميانىڭ نەگىزىن قالاپ, مۋزىكالىق اسپاپتا ويناۋدى ۇيرەتەتىن ۇستاز اسىلبەك ەڭسەپوۆ. تالانتتى دومبىراشىدان ءتالىم الۋعا مۇمكىندىك تۋعانىنا بالالار دا, اتا-انالار ءدان ريزا. ەركەبۇلان تاۋەكەل, دۋباي قالاسىنىڭ تۇرعىنى: — اكەم كەزىندە وتە جاقسى ويناعان دومبىرانى, ناعىز قازاق قازاق ەمەس, ناعىز قازاق دومبىرا دەپ, ءبىزدىڭ ۇلتتىق اسپاپ بولعاننان كەيىن قىزىمىز ۇيرەنسىن, ۇمىتپاسىن دەپ سونداي ويمەن بەردىك.

ەكى كۇيدى ۇيرەندى وسى ەكى ايدا. سازگەر بالالارعا قانداي تۋىندىنى ۇيرەتۋ كەرەكتىگىن ولاردىڭ سول مۋزىكانى قابىلداۋىنا قاراي تاڭداپ وتىرادى. بىراق ۇلتتىق اسپاپقا دەگەن سۇيىسپەنشىلىك پەن بار ىنتا-جىگەرلەرىن قويۋ ارقاسىندا قىسقا ۋاقىتتىڭ ىشىندە قوس ىشەكتە ويناۋدى ۇيرەنىپ العان جەتكىنشەكتەر كوپ.

ارايلىم ۋبينامينوۆا, دۋباي قالاسىنىڭ تۇرعىنى: — ءبىر ايدا ەكى كۇي ۇرەندىم, جاستار ءبيى جانە ەركە سىلقىم. شەتەلدە جۇرگەن كەزدە ۇلتتىق ءداستۇردى, ۇلتتىق قۇندىلىقتاردى ەرەكشە باعالاپ باستايسىڭ. سول ءۇشىن دە ۇيرەنۋدى قولعا الدىم. اسىلبەك ەڭسەپوۆ, كۇيشى-دومبىراشى, قر ەڭبەك سىڭىرگەن قايراتكەرى: — قازاق باۋىرلار, وتانداستىرىمىز وسىندا تۇرعاننان كەيىن كوپ ۇسىنىستار ءتۇستى.

وسى دومبىرامىزدى ناسيحاتتاپ جالعىز ءبىزدىڭ قازاق ەلىمىزدە عانا ەمەس, باسقا مەملەكەتتەردە دە دومبىرامىزدى بۇكىل الەم ويناۋى كەرەك. وسى مۇرا ءۇشىن اتا بابالارىمىزعا مىڭ العىسىمدى ايتقىم كەلىپ تۇر. العىس ايتۋ كۇنى قۇتتى بولسىن. امىرلىكتەردە تۇراتىن قازاقتار تەك دومبىرانى عانا دارىپتەپ قويماي, ۇلتتىڭ سالت-ءداستۇرىمىزدى ساقتاپ, ناسيحاتتاۋعا كوپ ءمان بەرەدى. اسىرەسە 200-دەن استام ۇلت مەكەندەيتىن ورتادا قازاقتىڭ قانداي حالىق ەكەنىن كورسەتۋ, ۇلتتىڭ قۇندىلىعى مەن مۇراسىن پاش ەتۋ جاۋپكەرشىلىگى مول ءىس ەكەنىن تۇسىنەدى. راۋان قىدىربەكقىزى, دۋباي قالاسىنىڭ تۇرعىنى: — اتا بابامىزعا مىڭ العىس, وسىنداي سالت-ءداستۇردى بىزگە جەتكىزىپ, ءبىز دە سونى ناقىشتاپ جاتىرمىز باسقا مەملەكەتتە جۇرسەك تە. قازاق ەلىنە, اتا بابالارىمىزعا راحمەت, مىڭ العىس. العىس ايتۋ كۇنى قۇتتى بولسىن بارشامىزعا.

الەمنىڭ قاي قيىرىندا جۇرسە دە ءار قازاقتىڭ وتكەنى مەن جەتكەنىن باي­ىپتاۋىنا باعدار بولار ۇلتتىق سانا ەكەنى بەلگىلى. ال ۇلتتىق بولمىس, ەڭ الدىمەن, حالقىمىزدىڭ مادەنيەتى مەن تاريحىن تەرەڭ ءبىلىپ, ءتۇسىنۋ ارقىلى قالىپتاساتىنى ايان. ونى كەلەر ۇرپاقتىڭ بويىنا ءسىڭىرىپ, الەمگە تانىتىپ وتىرۋ ءار قازاقتىڭ پارىزى بولسا كەرەك.