Dýbaıda dombyra tartqysy keletin qazaqtar ​​kóbeıdi

Dýbaıda eki aı buryn dombyra úıretý akademııasy ashylǵan edi. Qazir osy shaǵyn mektepke kelip ulttyq aspapty meńgerip jatqan qazaq dıasporasynyń ókilderi kóbeıgen. Ultymyzdyń salt-dástúrin dáriptep, qasıetti aspapty úırenýge den qoıǵan qandastarymyzben Bıbigúl Nysanbaeva dıdarlasyp qaıtty.

Bıbigúl Nysanbaeva, tilshi: — Biz qazir Dýbaıdaǵy dombyra akademııasynda turmyz. Bul jerge balalar aptasyna eki ret kelip, ulttyq aspapta oınaýdy úırenedi. Bul ámirlikterde ashylǵan alǵashqy dombyra synyby.

Akademııanyń negizin qalap, mýzykalyq aspapta oınaýdy úıretetin ustaz Asylbek Eńsepov. Talantty dombyrashydan tálim alýǵa múmkindik týǵanyna balalar da, ata-analar dán rıza. Erkebulan Táýekel, Dýbaı qalasynyń turǵyny: — Ákem kezinde óte jaqsy oınaǵan dombyrany, naǵyz qazaq qazaq emes, naǵyz qazaq dombyra dep, bizdiń ulttyq aspap bolǵannan keıin qyzymyz úırensin, umytpasyn dep sondaı oımen berdik.

Eki kúıdi úırendi osy eki aıda. Sazger balalarǵa qandaı týyndyny úıretý kerektigin olardyń sol mýzykany qabyldaýyna qaraı tańdap otyrady. Biraq ulttyq aspapqa degen súıispenshilik pen bar ynta-jigerlerin qoıý arqasynda qysqa ýaqyttyń ishinde qos ishekte oınaýdy úırenip alǵan jetkinshekter kóp.

Araılym Ýbınamınova, Dýbaı qalasynyń turǵyny: — Bir aıda eki kúı úrendim, Jastar bıi jáne Erke sylqym. Shetelde júrgen kezde ulttyq dástúrdi, ulttyq qundylyqtardy erekshe baǵalap bastaısyń. Sol úshin de úırenýdi qolǵa aldym. Asylbek Eńsepov, kúıshi-dombyrashy, QR Eńbek sińirgen qaıratkeri: — Qazaq baýyrlar, otandastyrymyz osynda turǵannan keıin kóp usynystar tústi.

Osy dombyramyzdy nasıhattap jalǵyz bizdiń qazaq elimizde ǵana emes, basqa memleketterde de dombyramyzdy búkil álem oınaýy kerek. Osy mura úshin ata babalarymyzǵa myń alǵysymdy aıtqym kelip tur. Alǵys aıtý kúni qutty bolsyn. Ámirlikterde turatyn qazaqtar tek dombyrany ǵana dáriptep qoımaı, ulttyń salt-dástúrimizdi saqtap, nasıhattaýǵa kóp mán beredi. Ásirese 200-den astam ult mekendeıtin ortada qazaqtyń qandaı halyq ekenin kórsetý, ulttyń qundylyǵy men murasyn pash etý jaýpkershiligi mol is ekenin túsinedi. Raýan Qydyrbekqyzy, Dýbaı qalasynyń turǵyny: — Ata babamyzǵa myń alǵys, osyndaı salt-dástúrdi bizge jetkizip, biz de sony naqyshtap jatyrmyz basqa memlekette júrsek te. Qazaq eline, ata babalarymyzǵa rahmet, myń alǵys. Alǵys aıtý kúni qutty bolsyn barshamyzǵa.

Álemniń qaı qıyrynda júrse de ár qazaqtyń ótkeni men jetkenin baı­yptaýyna baǵdar bolar ulttyq sana ekeni belgili. Al ulttyq bolmys, eń aldymen, halqymyzdyń mádenıeti men tarıhyn tereń bilip, túsiný arqyly qalyptasatyny aıan. Ony keler urpaqtyń boıyna sińirip, álemge tanytyp otyrý ár qazaqtyń paryzy bolsa kerek.