«دۋبايدان پاتەر الىپ, مول تابىس تابۋدى ۇيرەتەتىنىن ايتقان»: قازاقستاندىق ايەل ءوزى قاتىسقان كۋرستى سوتقا بەردى

فوتو: freepik.com

ورالدا ايەل جىلجىمايتىن م ۇلىك ارقىلى تابىس تاۋىپ, دۋبايدان پاتەر الۋدى ۇيرەتەمىز دەگەن كۋرسقا قاتىسىپ, ەش ناتيجە كورمەگەندىكتەن ءوزىن وقىتقانداردى سوتقا بەردى. بۇل تۋرالى Stan.kz اقپارات اگەنتتىگى “موي گورود” پورتالىنا سىلتەمە جاساپ حابارلايدى.

ايەل 2023 جىلى جىلجىمايتىن م ۇلىكتى ساتۋدان تابىس تابۋدى ۇيرەتەتىن جشس-مەن شارت جاساسقان. وقۋ ءۇشىن ايەل 1,6 ميلليون تەڭگە تولەگەن. كەيىن جشس ۇسىنىسى بويىنشا ول دۋبايدا ءبىر بولمەلى پاتەر ساتىپ الۋ ءۇشىن ءباا-گە 18 مىڭ ديرحام (شامامەن 2,3 ميلليون تەڭگە) جانە 40 مىڭ ديرحام (شامامەن 5,2 ميلليون تەڭگە) اۋدارعان.

شارت بويىنشا ءبىر جىل ىشىندە ول كۋرستا العان تەوريالىق جانە پراكتيكالىق بىلىمدەرىن پايدالانا وتىرىپ, 1,6 ميلليون تەڭگەنى تابۋعا, سونداي-اق جوبالاردان ينۆەستيتسيالىق پايدا الۋعا ءتيىس بولاتىن. ەگەر بۇل ورىندالماسا جشس وعان وقۋعا جۇمساعان بار اقشاسىن قايتارىپ بەرەتىنىن ايتقان.

پاتەردى ساتا الماعان ايەل ينۆەستيتسيادان دا پايدا كورمەگەن. ول جشس-تەن 3,2 ميلليون تەڭگە ءوندىرىپ الۋدى تالاپ ەتىپ, سوتقا جۇگىندى. سوت ونىڭ تالابىن قاناعاتتاندىردى.