«Dýbaıdan páter alyp, mol tabys tabýdy úıretetinin aıtqan»: Qazaqstandyq áıel ózi qatysqan kýrsty sotqa berdi

Foto: freepik.com

Oralda áıel jyljymaıtyn múlik arqyly tabys taýyp, Dýbaıdan páter alýdy úıretemiz degen kýrsqa qatysyp, esh nátıje kórmegendikten ózin oqytqandardy sotqa berdi. Bul týraly Stan.kz aqparat agenttigi “Moı gorod” portalyna silteme jasap habarlaıdy.

Áıel 2023 jyly jyljymaıtyn múlikti satýdan tabys tabýdy úıretetin JShS-men shart jasasqan. Oqý úshin áıel 1,6 mıllıon teńge tólegen. Keıin JShS usynysy boıynsha ol Dýbaıda bir bólmeli páter satyp alý úshin BAÁ-ge 18 myń dırham (shamamen 2,3 mıllıon teńge) jáne 40 myń dırham (shamamen 5,2 mıllıon teńge) aýdarǵan.

Shart boıynsha bir jyl ishinde ol kýrsta alǵan teorııalyq jáne praktıkalyq bilimderin paıdalana otyryp, 1,6 mıllıon teńgeni tabýǵa, sondaı-aq jobalardan ınvestıııalyq paıda alýǵa tıis bolatyn. Eger bul oryndalmasa JShS oǵan oqýǵa jumsaǵan bar aqshasyn qaıtaryp beretinin aıtqan.

Páterdi sata almaǵan áıel ınvestıııadan da paıda kórmegen. Ol JShS-ten 3,2 mıllıon teńge óndirip alýdy talap etip, sotqa júgindi. Sot onyń talabyn qanaǵattandyrdy.