«دۇعا ساتامىن»: تانىمال بلوگەر جۇرتتىڭ جاعاسىن ۇستاتتى

«QosLike» جوباسىنىڭ بۇرىنعى قاتىسۋشىسى اياكوز اسكاروۆا جەلىدەگى پاراقشاسىندا دۇعا ساتاتىنىن ايتىپ, جۇرتتىڭ جاعاسىن ۇستاتتى, دەپ حابارلايدى qandastar.kz

Skifnews.kz جازعانداي, حيدجاب كيىپ كەتكەن ول ادام ەستىمەگەن مالىمدەمە جاسادى.

ء«بىر كۇنى ءبىر دۇعانى كورىپ, وقىپ, ونىڭ تاريحى مەن قۇدىرەتتىلىگىنە ۇڭىلەمىن عوي. قاعبانى اينالىپ ءبىر كۇن بويى توقتاماي سونى وقي بەرەمىن. وسىلايشا مەنى كۇيدىرگەن پروبلەما ءبىر-اق كۇندە شەشىلەدى. مەن ول ماسەلەنى شەشۋ ءۇشىن قايعىرىپ ءجۇرمىن. ال ونىڭ شەشىمى — ءبىر عانا دۇعا بولىپ شىقتى. قازىرگى تاڭدا كوپ وقىرمانىم مەن ايتىپ جۇرگەن دۇعانى ايتىپ, پايداسىن كورىپ جاتىر. ءبىرىنشى اللا مەن ورتادا سەبەپكەرمىن. ءدال وسى دۇعانى ءبىز دە ايتايىقشى دەگەندەرگە ءدال بۇگىن 24 ساعات ساتىلىمعا رۇقسات بەرەمىن», — دەيدى ول.

بلوگەر ءوزىن بۇل ارەكەتى ءۇشىن ايىپتاعاندارعا جاۋاپ بەرە كەتتى.

«ەشكىم سىزدەردە دۇعانى ساتىپ الۋعا قينامايدى. دۇعانى ادام ايتا سالمايدى, ونىڭ دا ءوز ءتاسىلى بار. مەن دۇعانى جاي بەرىپ قويمايمىن. ونى قالاي ايتادى, قاي ۋاقىتتا ايتادى سونىڭ بارلىعىن تولىقتاي تۇسىندىرەمىن. ريزىعىڭىزدىڭ كوبەيگەنىن, ماسەلەدەن اللانىڭ سۋىرىپ شىعارىپ العانىن قالاساڭىز مەن ايتقان دۇعانى ءسىز دە ايتساڭىز بولادى. ماعان «قۇرانداعى تەگىن نارسەنى ساتاتىن كىمسىڭ» دەيدى, وندا قۇراندى اشىڭىز دا وقىپ الىڭىز. ءسىز وقۋعا ەرىنەسىز دە, وقىعان ادامعا 1000 تەڭگەڭىزدى بەرۋگە قيمايسىز. ارتىق اڭگىمە ايتپاڭىزدار», — دەپ ءتۇسىندىردى بلوگەر.

جەلى قولدانۋشىلارى بويجەتكەننىڭ بۇل ارەكەتىنە ءتۇرلى پىكىر ءبىلدىردى.

«نەشە ءتۇرلى ادام بار ەكەن-اۋ», دۇعا ساتۋعا بولا ما نە», «دو توگو جۇمىس جوق پا», اۋا ساتسايشى», «وي, قايىرشى», «راسسروچكا بار ما», «قوي, دەيتىن ەشكىم جوق پا», دەدى ولار.