جاڭالىقتار
«دۇعا جاساڭىزدار!»: ءانشى ەردوس قاناەۆ نۇرسۇلتان ۇستازدىڭ قازىرگى جاعدايى تۋرالى ايتتى
«جىگىتتەر» توبىنىڭ ءانشىسى ەردوس قاناەۆ Instagram-داعى پاراقشاسىندا جول اپاتىنا ۇشىراعان ءدىنتانۋشى نۇرسۇلتان رىسماعامبەتوۆتىڭ قازىرگى جاعدايى تۋرالى ايتىپ بەردى, دەپ حابارلايدى turkystan.kz.
ول حالىقتان ءدىنتانۋشىنىڭ ساۋىعىپ كەتۋىن تىلەۋدى سۇرادى.
«نۇرسۇلتان ۇستازىمىز جول اپاتىنا ۇشىراپتى دەگەن حاباردى ەستىگەندە ۋايىمداپ قالدىق. 10 دۇعام بولسا ءبارىن ءسىزدىڭ جازىلىپ كەتۋىڭىز ءۇشىن اللادان سۇرادىم.
ءالحامدۋليللا, بۇگىن ءىستىڭ جاي-جاپسارىن ءبىلىپ, كوڭىلىمىز ورنىنا ءتۇستى. نۇرسۇلتان ۇستاز ءدىن امان, ءبارى جاقسى ەكەن. اللا وتباسىڭىزعا امان-ەسەن قۋانىپ ورالۋدى ءناسىپ ەتسىن. دۇعا جاساپ قويىڭىزدار, باۋىرلار!» — دەپ جازدى ول.
