Dúısenova jýrnalısterdiń Úkimetke kirgizilmeýiniń sebebin anyqtaıdy

Foto: ashyq derekkóz

Premer-Mınıstrdiń orynbasary Tamara Dúısenova jýrnalısterdi Úkimetke nege jibermeıtinin naqtylaýǵa ýáde etti, – dep habarlaıdy qandastar.kz

Jýrnalıster akkredıtteýdiń jańa erejeleri 27 tamyzda ǵana kúshine engenmen, qıyndyqtarǵa tap bolǵanyn aıtady.

Dúısenova mundaı erejeler qaýipsizdik talaptaryna saı enýi múmkindigin jetkizdi. Máseleni sheshýge taım-aýt surap, bir apta ýaqyt keregin jetkizdi.

Eske sala keteıik, Qazaqstanda jýrnalısterdi akkredıtteýdiń jańa erejeleri kúshine engen. 3 qyrkúıekte Úkimet BAQ-ty elemeı, jýrnalısterdi otyrysqa shaqyrǵan joq. Al 6 qyrkúıekte jýrnalıst Jánııa Ýranqaeva erekshe qorǵalatyn nysanda «ishki erejelerdiń buzýyna baılanysty» Úkimetke jiberilmegeni jóninde habarlama aldy.

Aıta keteıik, buǵan deıin «Ashyq NQA» portalynda Mádenıet jáne aqparat mınıstrliginen jýrnalısterdi akkredıtteýdiń úlgilik qaǵıdalaryn bekitý týraly buıryq jobasy jarııalanǵan bolatyn.

Qujatqa sáıkes, eger olar resmı is-sharalarda alynǵan aqparatty akkredıttelgen basylymdarda ǵana jarııalamasa, jýrnalıster akkredıtteýden aıyrylýy múmkin. Mysal retinde áleýmettik jelilerdi keltirýge bolady. Bul rette is-sharalar uıymdastyratyn uıymdar ózderiniń akkredıtteý erejelerin belgileı alady.