«دۇكەن ارالامايمىن»: ۇلتتىق بانك توراعاسىنىڭ ورىنباسارى ەلىمىزدە ازىق-ت ۇلىك قانشا تۇراتىنىن بىلمەيدى

فوتو: nationalbank.kz

ۇلتتىق بانك توراعاسىنىڭ ورىنباسارى, بۇرىنعى قارجى ۆيتسە-ءمينيسترى بەرىك شولپانقۇلوۆ قازاقستاندا ازىق-ت ۇلىك قانشا تۇراتىنىن بىلمەيتىن بولىپ شىقتى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

جۋرناليستەر ونىڭ بۇعان دەيىن قارجى سالاسىندا جۇمىس ىستەگەنىن ەسكەرە وتىرىپ, سوڭعى رەت قاشان ازىق-ت ۇلىك ساتىپ العانىن, اسىرەسە قاي ءونىمنىڭ باعاسى تاڭعالدىرعانىن سۇرادى.

شولپانقۇلوۆ ۇيىندە ازىق-ت ۇلىكتى ايەلى ساتىپ الاتىنىن العا تارتىپ, بۇل سۇراققا جاۋاپ بەرە المايتىنىن ايتتى. ءتىپتى وتباسىندا ازىق-ت ۇلىككە قانشا قارجى جۇمسالاتىنىن دا ايتا المادى.

“ايتا المايمىن. ءۇي شارۋاسىمەن ايەلىم اينالىسادى. ازىق-ت ۇلىكتى ايەلىم ساتىپ الاتىن بولعان سوڭ مەن دۇكەن ارالامايمىن, كارتامنىڭ تەلنۇسقاسى ايەلىمدە, ءتىپتى قاداعالامايمىن», – دەپ جاۋاپ بەردى شولپانقۇلوۆ.

ەسكە سالساق, بۇعان دەيىن بەرىك شولپانقۇلوۆ قازاقستاندىقتاردىڭ شوتتارىنان اقشا جوعالىپ جاتىر دەگەن اقپاراتتى قاۋەسەتكە بالاعان ەدى.

«مۇنداي جاعدايلاردىڭ بولۋى ەكىتالاي. اقشا وزدىگىنەن جوعالىپ كەتۋى مۇمكىن ەمەس. ەگەر تەحنيكالىق اقاۋلار بولسا, بانك ول ءۇشىن جاۋاپكەرشىلىك الىپ, قاراجاتتى قالپىنا كەلتىرەدى. بارلىق مالىمەت ارحيۆتە ساقتالادى, دەرەكتەر بار جانە تەحنيكالىق اقاۋ كەزىندە ءبارى قالپىنا كەلتىرىلەدى. ءتىپتى الاياقتىق ارەكەتتەر بولسا دا, بانك تاراپىنان كليەنتتەردى قورعاۋ ءۇشىن شارالار قولدانادى. ال مۇنداي جاعدايلار جاپپاي ءبىر مەزەتتە بولىپ جاتىر دەۋ جاي عانا قاۋەسەت دەپ ويلايمىن», – دەپ اتاپ ءوتتى ول.

سونداي-اق ول الەۋمەتتىك جەلى قولدانۋشىلارى جيى شاعىمدانىپ جۇرگەن “ەكىنشى دەڭگەيلى بانكتەردەگى قارىزدى كەشىكتىرگەن كليەنتتەردىڭ شوتتارىن بۇعاتتاۋ”  جاعدايلارىنا بايلانىستى پىكىر ءبىلدىردى.