«Dúken aralamaımyn»: Ulttyq bank tóraǵasynyń orynbasary elimizde azyq-túlik qansha turatynyn bilmeıdi

Foto: nationalbank.kz

Ulttyq bank tóraǵasynyń orynbasary, burynǵy qarjy vıe-mınıstri Berik Sholpanqulov Qazaqstanda azyq-túlik qansha turatynyn bilmeıtin bolyp shyqty, dep jazdy qandastar.kz

Bul týraly Stan.kz aqparat agenttigi habarlaıdy.

Jýrnalıster onyń buǵan deıin qarjy salasynda jumys istegenin eskere otyryp, sońǵy ret qashan azyq-túlik satyp alǵanyn, ásirese qaı ónimniń baǵasy tańǵaldyrǵanyn surady.

Sholpanqulov úıinde azyq-túlikti áıeli satyp alatynyn alǵa tartyp, bul suraqqa jaýap bere almaıtynyn aıtty. Tipti otbasynda azyq-túlikke qansha qarjy jumsalatynyn da aıta almady.

“Aıta almaımyn. Úı sharýasymen áıelim aınalysady. Azyq-túlikti áıelim satyp alatyn bolǵan soń men dúken aralamaımyn, kartamnyń telnusqasy áıelimde, tipti qadaǵalamaımyn», – dep jaýap berdi Sholpanqulov.

Eske salsaq, buǵan deıin Berik Sholpanqulov qazaqstandyqtardyń shottarynan aqsha joǵalyp jatyr degen aqparatty qaýesetke balaǵan edi.

«Mundaı jaǵdaılardyń bolýy ekitalaı. Aqsha ózdiginen joǵalyp ketýi múmkin emes. Eger tehnıkalyq aqaýlar bolsa, bank ol úshin jaýapkershilik alyp, qarajatty qalpyna keltiredi. Barlyq málimet arhıvte saqtalady, derekter bar jáne tehnıkalyq aqaý kezinde bári qalpyna keltiriledi. Tipti alaıaqtyq áreketter bolsa da, bank tarapynan klıentterdi qorǵaý úshin sharalar qoldanady. Al mundaı jaǵdaılar jappaı bir mezette bolyp jatyr deý jaı ǵana qaýeset dep oılaımyn», – dep atap ótti ol.

Sondaı-aq ol áleýmettik jeli qoldanýshylary jıi shaǵymdanyp júrgen “ekinshi deńgeıli bankterdegi qaryzdy keshiktirgen klıentterdiń shottaryn buǵattaý”  jaǵdaılaryna baılanysty pikir bildirdi.