دۋلات تاستەكەەۆ اۋىلىنا اۋەجاي سالماق

اباي وبلىسى اقسۋات اۋدانىنداعى اققالا اۋىلىندا اۋەجاي سالىنادى. بۇل تۋرالى 24.kz حابارلادى.

الەۋمەتتىك ماڭىزى بار نىساننىڭ قۇرىلىسىن اۋدان ازاماتى دۋلات تاستەكەي جەكە ەسەبىنەن قارجىلاندىرىلادى. قازىر اۋەجايدىڭ جوبالىق-سمەتالىق قۇجاتتارى ازىرلەنىپ جاتىر. قۇرىلىس ورنى دا بەلگىلەندى. اۋەجاي تاپسىرىلعان كەزدە تارباعاتاي, كوكپەكتى جانە زايسان اۋدانىنىڭ تۇرعىندارى سەمەي, وسكەمەن, الماتى مەن استاناعا ۇشاقپەن قاتىنايدى.
«نىساننىڭ قۇرىلىسى ءوڭىردىڭ تۋريزم سالاسىن دامىتۋعا دا وڭ ىقپال ەتەدى», – دەيدى ماماندار. جوبانى جۇزەگە اسىرۋ ءۇشىن شامامەن 4 ملرد تەڭگەدەن استام قارجى جۇمسالادى.

“جىل سوڭىنا دەيىن اۋەجايدىڭ جوبالىق-سمەتالىق قۇجاتى دايىن بولادى دەپ ەسەپتەپ وتىرمىز. ناۋرىز ايىنا دەيىن ەكسپەرتيزادان شىعارۋ جوسپاردا بار. بىزدەگى مىنا ەلەكە سازى بار قازىر. دورا دەگەن تۋريستىك ورنىمىز بار. سونىڭ بارلىعىنا حالىقتىڭ كەلۋىنە اۋەجاي قۇرىلىسىنىڭ سەپتىگى بار”-دەدى اقسۋات اۋدانى اكىمىنىڭ مىندەتىن اتقارۋشى ەرسىن ەسكەندىروۆ.