دۇنيەسى جوق ەركەكتىڭ الدىندا ايەلدىڭ نە ءدىنى دە, ءتاجىسى دە قالمايدى – پسيحولوگ

فوتو: اشىق دەرەككوز

الەۋمەتتىك جەلىدە تانىمال پسيحولوگ ءدىندار ادام تۋرالى ءوز ويىن ايتتى, دەپ حابارلايدى qandastar.kz  Alash.kz ۇلتتىق پورتالىنا سىلتەمە جاساپ.

پسيحولوگ دينارا ارىستاننىڭ ايتۋىنشا, تۇرمىسى تومەن ادام قانشا ءدىندى ۇستانعان ازامات بولسا دا, ونىڭ الدىندا سەنىڭ ەش قادىرىڭ جوق دەگەن پىكىرىمەن ءبولىستى.

كوۋچتىڭ بۇل پىكىرى الەۋمەتتىك جەلىدە وقىرماندار اراسىندا ۇلكەن داۋ تۋعىزدى.

«دۇنيەسى جوق ەركەكتىڭ الدىندا ايەلدىڭ نە ءدىنى دە, ءتاجى دە قالمايدى. مەن 15 جىل بويى ءدىنى بار بىراق دۇنيەسى جوق ەركەكپەن تۇردىم.  ول سونداي ءبىلىمدى ەدى. فيزيكالىق تۇرعىدان, مورالدىق تۇرعىدان ەش قولداۋ دا, قورعاۋ دا كورسەتپەدى. ول مەنى تۋىستارىنان دا, كوشەدەگى بەيتانىس ادامداردان دا قورعاي المادى. دۇنيەسى جوق ەركەكتىڭ الدىندا ايەلدىڭ ءدىنى ەشقاشان بولمايدى», – دەدى دينارا ارىستان.