دۇنيەجۇزىلىك بانك: قازاقستانداعى تابىس ورتاشادان جوعارى

فوتو: اشىق دەرەككوز

دۇنيەجۇزىلىك بانك سوڭعى دەرەكتەرىندە قازاقستاننىڭ تابىسى «ورتاشادان جوعارى» ساناتىنا جاتاتىنىن كورسەتتى, دەپ جازدى qandastar.kz

رەيتينگتە دۇنيەجۇزىلىك بانكتىڭ دەرەكتەرى ارقىلى الەم ەلدەرىنىڭ تابىس دەڭگەيى قانداي ەكەنى كورسەتىلگەن. مۇندا مەملەكەتتەردى جان باسىنا شاققانداعى ورتاشا تابىسقا بايلانىستى ءتورت توپقا بولەدى. ولار:

تومەن;
ورتاشادان تومەن;
ورتاشادان جوعارى;
جوعارى بولىپ بولىنەدى.
قازاقستان دۇنيەجۇزىلىك بانكتىڭ سوڭعى دەرەكتەرى مەن Visual Capitalist ماتەريالدارىنا سايكەس, «ورتاشادان جوعارى» ساناتىنا جاتادى. بۇل دەگەنىمىز, جان باسىنا شاققانداعى كىرىستەر Upper-Middle Income ءۇشىن انىقتالعان شەكتەن جوعارى. دەگەنمەن ەلىمىز ءالى دە جوعارى كىرىسكە تۇسەتىن دامىعان ەكونوميكالار دەڭگەيىنە جەتە المادى.

بۇل رەتتە جاھاندىق اۋقىمدا قازاقستاننىڭ پوستكەڭەستىك كەڭىستىك ەلدەرى اراسىندا ايتارلىقتاي ەرەكشەلەنەتىنى كورسەتىلگەن. ياعني سالىستىرمالى تۇردە جوعارى ەكونوميكالىق كورسەتكىشتەر مەن تۇراقتى ءوسۋ سەرپىنىن كورسەتەدى.

دەگەنمەن الەۋمەتتىك جەلىدە قازاقستانداعى تابىس دەڭگەيى تۋرالى بۇل اقپاراتتى راستامايتىندار كوپ. جۇرتشىلىق جالاقىنىڭ وتە تومەن ەكەنىن, ءتىپتى حالىق جاعدايى افريكادان دا تومەن ەكەنىن ايتادى.