Dúnıejúzilik bank: Qazaqstandaǵy tabys ortashadan joǵary

Foto: ashyq derekkóz

Dúnıejúzilik bank sońǵy derekterinde Qazaqstannyń tabysy «ortashadan joǵary» sanatyna jatatynyn kórsetti, dep jazdy qandastar.kz

Reıtıngte dúnıejúzilik banktiń derekteri arqyly álem elderiniń tabys deńgeıi qandaı ekeni kórsetilgen. Munda memleketterdi jan basyna shaqqandaǵy ortasha tabysqa baılanysty tórt topqa bóledi. Olar:

tómen;
ortashadan tómen;
ortashadan joǵary;
joǵary bolyp bólinedi.
Qazaqstan dúnıejúzilik banktiń sońǵy derekteri men Visual Capitalist materıaldaryna sáıkes, «ortashadan joǵary» sanatyna jatady. Bul degenimiz, jan basyna shaqqandaǵy kirister Upper-Middle Income úshin anyqtalǵan shekten joǵary. Degenmen elimiz áli de joǵary kiriske túsetin damyǵan ekonomıkalar deńgeıine jete almady.

Bul rette jahandyq aýqymda Qazaqstannyń postkeńestik keńistik elderi arasynda aıtarlyqtaı erekshelenetini kórsetilgen. Iaǵnı salystyrmaly túrde joǵary ekonomıkalyq kórsetkishter men turaqty ósý serpinin kórsetedi.

Degenmen áleýmettik jelide Qazaqstandaǵy tabys deńgeıi týraly bul aqparatty rastamaıtyndar kóp. Jurtshylyq jalaqynyń óte tómen ekenin, tipti halyq jaǵdaıy Afrıkadan da tómen ekenin aıtady.