جاڭالىقتار
دجەي لو Instagram جەلىسىندە قازاقستاندىق سكريپكاشىنىڭ كاۆەرىن ءبولىستى
فوتو: كوللاج/مەرۋەرت باقىت, دجەننيفەر لوپەس
امەريكالىق پوپ-جۇلدىز دجەننيفەر لوپەس Instagram جەلىسىندە قازاقستاندىق سكريپكاشى مەرۋەرت باقىتتىڭ ۆيدەوسىن جاريالادى, دەپ جازدى qandastar.kz
قازاقستاندىق ونەرپاز سكريپكادا انشىنىڭ ايگىلى Ain’t It Funny انىنىڭ كاۆەرىن ورىنداعان. بۇل تۋرالى Stan.kz اقپارات اگەنتتىگى حابارلايدى.
بەينەروليك استاناداعى «حان شاتىر» ويىن-ساۋىق ورتالىعى ماڭىندا تۇسىرىلگەن. ول كوپ ۇزاماي Instagram-دا 248 ميلليوننان استام جازىلۋشىسى بار دجەننيفەر لوپەستىڭ جەكە پاراقشاسىندا جاريالاندى. بەينەروليككە انشىمەن قوسا ميلليونداعان جانكۇيەرى دە نازار اۋدارعان.
«اڭىز-ادام JLo-نىڭ ءوزى ءبىزدىڭ جۇمىسىمىزدى بايقاپ, بولىسكەنىنە ءالى دە سەنە الار ەمەسپىن. كومانداعا راحمەت ايتامىن, بىز ارمانداردى ماقساتقا, ال ماقساتتاردى شىندىققا اينالدىرۋعا بولاتىنىن دالەلدەپ وتىرمىز. مەن ءۇشىن بۇل العا قاراي ۇمتىلۋعا ۇلكەن موتيۆاتسيا بولدى», – دەپ جازدى مەرۋەرت باقىت جەلىدەگى پاراقشاسىندا.
