Djeı Lo Instagram jelisinde qazaqstandyq skrıpkashynyń kaverin bólisti

Foto: kollaj/Merýert Baqyt, Djennıfer Lopes

Amerıkalyq pop-juldyz Djennıfer Lopes Instagram jelisinde qazaqstandyq skrıpkashy Merýert Baqyttyń vıdeosyn jarııalady, dep jazdy qandastar.kz

Qazaqstandyq ónerpaz skrıpkada ánshiniń áıgili Ain’t It Funny ániniń kaverin oryndaǵan. Bul týraly Stan.kz aqparat agenttigi habarlaıdy.

Beınerolık Astanadaǵy «Han Shatyr» oıyn-saýyq ortalyǵy mańynda túsirilgen. Ol kóp uzamaı Instagram-da 248 mıllıonnan astam jazylýshysy bar Djennıfer Lopestiń jeke paraqshasynda jarııalandy. Beınerolıkke ánshimen qosa mıllıondaǵan jankúıeri de nazar aýdarǵan.

«Ańyz-adam JLo-nyń ózi bizdiń jumysymyzdy baıqap, bóliskenine áli de sene alar emespin. Komandaǵa rahmet aıtamyn, biz armandardy maqsatqa, al maqsattardy shyndyqqa aınaldyrýǵa bolatynyn dáleldep otyrmyz. Men úshin bul alǵa qaraı umtylýǵa úlken motıvaııa boldy», – dep jazdy Merýert Baqyt jelidegi paraqshasynda.