Djonnı Depptiń advokaty men Ádilet mınıstrliginiń arasynda qandaı baılanys bar?

Foto: Radıo onlaın

Amerıkalyq zańger Kamılla Vaskes Gollıvýd juldyzy Djonnı Depptiń advokaty retinde tanymal. Biraq onyń odan da qurmetti klıenti bar bolyp shyqty. Ol –  Qazaqstannyń Ádilet mınıstrligi. Vaskes hanymnyń Ádilet mınıstrligin qandaı qyzmetpen qamtyp, qansha qarajatty qaltaǵa basqanyn qandastar.kz taldap kórdi.

Birinshiden, Djonnı Depptiń áıeli Ember Herdpen ajyrasý proesinde kózge túsken eki zańger – Kamılla Vaskes pen Bendjamın Chý Qazaqstanda qaıdan júr? Belgili bolǵandaı, qos zańger shildede Astanada stýdenttermen kezdesýde bas qosqan. Bul týraly jergilikti, tipti halyqaralyq BAQ, sonyń ishinde The Times of Central Asia jazdy. Resmı túrde amerıkandyq zańgerler «genderlik teńdik jáne áıel quqyǵyn nyǵaıtý máseleleri boıynsha» tájirıbelerin ortaǵa saldy-mys.

Alaıda, álemge áıgili Brown Rudnick zań fırmasy tis qaqqan zańgerlerdi Qazaqstanǵa tek stýdenttermen tildessin dep jibermegeni anyq. Orda.kz jazǵandaı, Ádilet mınıstrligi dál osy halyqaralyq zań fırmasymen aqpan aıynan bastap resmı kelisimshartqa otyrǵan. Al bul kelisim boıynsha Qazaqstan múddesin Vaskes qorǵaıdy.

Brown Rudnick zań fırmasynyń QR Ádilet vıe-mınıstri Denıel Vaısovpen sharty 28 aqpanda jasalǵan jáne 2024 jyldyń sońyna deıin jaramdy. Qujatty AQSh-tyń sheteldik agentter týraly  zańnamasy (FARA) qamtylǵan qujattardan tabýǵa bolady.

Silteme: 1721656126_7376-exhibit-ab-20240228-1

Kelisimshartqa sáıkes, fırma zańgerleri Ádilet mınıstrligine mynadaı qyzmet kórsetedi: BAQ monıtorıngi, AQSh pen Anglııa zańnamasyna sáıkes klıenttiń múddesin qorǵaý, sotqa deıingi jáne arbıtrajǵa deıingi retteýge járdemdesý. Korporaııanyń qyzmetteri shartta tikeleı kórsetilgen jáne qujat saıası sıpatqa ıe. Al bul jumystardyń joǵary deńgeıde oryndalýy Kamılla Vaskestiń moınynda kórinedi. Tek kelisimsharttyń eń qyzyq bóligi Ádilet mınıstrligi kóteretin shyǵynǵa qatysty.

«Tapsyrmalar tap-tuınaq oryndalady. Tólem zańgerlerdiń jumsaǵan ýaqytyna baılanysty. Meniń bir saǵattyq jalaqym – 1260 dollar», – delingen Kamılla Vaskestiń kelisimshartynda. Al qazirgi baǵam boıynsha 1260 dollar somasy shamamen 600 myń teńgege sáıkes keledi.

Búginde Vaskes hanymnyń mınıstrliktiń qandaı quqyqtyq máselesin rettep jatqany belgisiz, bul týraly ashyp aıtý da erte. Degenmen, Brown Rudnick qyzmetkerleriniń Astanaǵa saparynan keıin-aq (16 shilde) Ádilet mınıstrligi moldovalyq bıznesmender Anatol jáne Gabrıel Statımen bitimgershilik kelisimge kelgenin málimdedi.

Al buǵan deıin Statımen «soǵys» 14 jylǵa sozylǵan bolatyn jáne memleketke budan edáýir shyǵyn keldi.

M.SNADIN