Dzıýdoshy Galbadrah Qazaqstan azamattyǵynan bas tartty

Foto: ashyq derekkóz

Dzıýdoshy Otgoneeg Galbadrah jeltoqsan aıynda ol Qazaqstan azamattyǵynan bas tartyp, Monǵolııa azamattyǵyn alýǵa ótinish berdi. Bul týraly qandastar.kz 1bol.kz saıtyna silteme jasap habarlaıdy. 

Otgoneeg 2015 jyldan bastap Qazaqstan atynan óner kórsete bastady. Ol Rıo Olımpıadasynyń qola júldegeri.

Sondaı-aq, álem chempıonattarynda eki ret úshinshi oryn alǵan. Azııa chempıony. Grand Slem, Gran Prı jarystarynda birneshe ret top jardy. Qazaqstanǵa eńbegi sińgen sport sheberi.

Otgoneeg Galbadrah Tokıo Olımpıadasynan keıin mansabyn aıaqtap, Monǵolııa astanasy Ulanbatyr qalasyna kóship ketti. Osynda Winner judo, sport club klýbyn ashqan. Qazir jas dzıýdoshylar daıyndaıdy. Shákirtteri halyqaralyq jarystarda kúresip, jeńis tuǵyrynan kórinip júr.