ەگەر جۇمىسسىز قالساڭىز, مەملەكەت جاردەم بەرەدى

فوتو: اشىق دەرەككوز

180 مىڭنان استام ادام جۇمىسىنان ايىرىلۋىنا بايلانىستى مەملەكەتتىك الەۋمەتتىك ساقتاندىرۋ قورىنان تولەم الدى, دەپ حابارلادى Ulysmedia.kz.

ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنە قاراعاندا, 128,3 مىڭ ادامعا تولەم العاش رەت تاعايىندالدى. تولەمدەردىڭ جالپى سوماسى – 39 ملرد تەڭگە.

زاڭعا سايكەس جۇمىستان بوساتىلعان جۇمىسكەرلەر مىندەتتى الەۋمەتتىك ساقتاندىرۋ جۇيەسىنە قاتىسۋ وتىلىنە جانە سوڭعى 24 ايداعى تابىسىنا بايلانىستى 1 ايدان 6 ايعا دەيىن جۇمىسىنان ايىرىلۋى بويىنشا الەۋمەتتىك تولەم الادى. تولەم جوعالعان كىرىستىڭ 45%-ىنا تەڭ, — دەلىنگەن مينيسترلىك تاراتقان اقپاراتتا.

جۇمىسسىز رەتىندە تىركەلۋ تۋرالى مالىمەت بولعان كەزدە ەڭبەك مينيسترلىگى ماسق-تان تولەمدى تاعايىنداۋ بويىنشا قىزمەت كورسەتۋگە كەلىسۋ ءۇشىن ءموبيلدى تەلەفونعا SMS-حابارلاما جىبەرەدى. كەلىسكەن جاعدايدا SMS-حابارلاماعا جاۋاپ بەرۋ قاجەت. تولەم اۆتوماتتى تۇردە تاعايىندالادى.