Eger jumyssyz qalsańyz, memleket járdem beredi

Foto: ashyq derekkóz

180 myńnan astam adam jumysynan aıyrylýyna baılanysty memlekettik áleýmettik saqtandyrý qorynan tólem aldy, dep habarlady Ulysmedia.kz.

Eńbek jáne halyqty áleýmettik qorǵaý mınıstrliginiń málimetine qaraǵanda, 128,3 myń adamǵa tólem alǵash ret taǵaıyndaldy. Tólemderdiń jalpy somasy – 39 mlrd teńge.

Zańǵa sáıkes jumystan bosatylǵan jumyskerler mindetti áleýmettik saqtandyrý júıesine qatysý ótiline jáne sońǵy 24 aıdaǵy tabysyna baılanysty 1 aıdan 6 aıǵa deıin jumysynan aıyrylýy boıynsha áleýmettik tólem alady. Tólem joǵalǵan kiristiń 45%-yna teń, — delingen mınıstrlik taratqan aqparatta.

Jumyssyz retinde tirkelý týraly málimet bolǵan kezde eńbek mınıstrligi MÁSQ-tan tólemdi taǵaıyndaý boıynsha qyzmet kórsetýge kelisý úshin mobıldi telefonǵa SMS-habarlama jiberedi. Kelisken jaǵdaıda SMS-habarlamaǵa jaýap berý qajet. Tólem avtomatty túrde taǵaıyndalady.