جاڭالىقتار
ەگيپەتتە قازا تاپقان ايەلدىڭ مورالدىق شىعىنى تولەنە مە
مىسىردىڭ شارم-ءال-شەيح اۋەجايىندا قايتىس بولعان ايەلدىڭ قازاسى بويىنشا مورالدىق وتەماقىنى مىسىرلىق تاراپ تولەۋى ءتيىس, دەپ حابارلايدى Qandastar.kz اقپارات پورتالى.
قايعىلى وقيعا 17 مامىر كۇنى شارم-ەش-شەيح اۋەجايىندا بولعان ەدى. وقيعادان كەيىن بىردەن كونسۋل مارقۇمنىڭ تۋىستارىمەن بايلانىسقا شىقتى.
ءبىز ۇنەمى كونسۋلدىق-قۇقىقتىق كومەك كورسەتىپ وتىردىق. قازا تاپقان ازاماتتىڭ دەنەسى 21 مامىردا قازاقستانعا جەتكىزىلدى. ارينە, بۇل ماسەلە بويىنشا ءبىز مىسىر بيلىگىمەن وتە ماڭىزدى ءارى ەگجەي-تەگجەيلى تۇردە تالقىلاۋ جۇرگىزدىك. سەبەبى قازاقستاندىق ازاماتتاردىڭ ولاردىڭ كۋرورتتارىندا, اۋەجايلارىندا قاۋىپسىزدىگى جوعارى دەڭگەيدە قامتاماسىز ەتىلۋى كەرەك. نەگە دەسەڭىز, مىسىر قازاقستاندىق تۋريستەر ءۇشىن ەڭ تانىمال باعىتتاردىڭ ءبىرى. سوندىقتان بۇل ماسەلەگە مىسىردىڭ كولىك ءمينيسترى جەكە باقىلاۋ ورناتتى. ماعان بەلگىلى مالىمەت بويىنشا, قىلمىستىق ءىس قوزعالدى. الايدا, وكىنىشكە قاراي, ونىڭ ەگجەي-تەگجەيىن جاريالاي المايمىن. مورالدىق وتەماقىنى مىسىرلىق تاراپ تولەۋى ءتيىس بولدى, — دەدى ءسىم وكىلى ايبەك سمادياروۆ.
مارقۇمنىڭ دەنەسىن ەلگە جەتكىزۋ پروتسەسىن تولىعىمەن ساقتاندىرۋ كومپانياسىمەن بىرگە ۇيىمداستىرعان.
ونىڭ ايتۋىنشا, شەتەلگە دەمالۋعا نەمەسە وزگە ماقساتتا شىعاتىن بارلىق ازاماتتارعا مىندەتتى تۇردە ساقتاندىرۋ ءپوليسىن راسىمدەۋ كەرەك.
