Egıpette qaza tapqan áıeldiń moraldyq shyǵyny tólene me

Mysyrdyń Sharm-ál-Sheıh áýejaıynda qaıtys bolǵan áıeldiń qazasy boıynsha moraldyq ótemaqyny mysyrlyq tarap tóleýi tıis, dep habarlaıdy Qandastar.kz aqparat portaly.

Qaıǵyly oqıǵa 17 mamyr kúni Sharm-esh-Sheıh áýejaıynda bolǵan edi. Oqıǵadan keıin birden konsýl marqumnyń týystarymen baılanysqa shyqty.

Biz únemi konsýldyq-quqyqtyq kómek kórsetip otyrdyq. Qaza tapqan azamattyń denesi 21 mamyrda Qazaqstanǵa jetkizildi. Árıne, bul másele boıynsha biz Mysyr bıligimen óte mańyzdy ári egjeı-tegjeıli túrde talqylaý júrgizdik. Sebebi qazaqstandyq azamattardyń olardyń kýrorttarynda, áýejaılarynda qaýipsizdigi joǵary deńgeıde qamtamasyz etilýi kerek. Nege deseńiz, Mysyr qazaqstandyq týrıster úshin eń tanymal baǵyttardyń biri. Sondyqtan bul máselege Mysyrdyń kólik mınıstri jeke baqylaý ornatty. Maǵan belgili málimet boıynsha, qylmystyq is qozǵaldy. Alaıda, ókinishke qaraı, onyń egjeı-tegjeıin jarııalaı almaımyn. Moraldyq ótemaqyny mysyrlyq tarap tóleýi tıis boldy, — dedi SIM ókili Aıbek Smadııarov.

Marqumnyń denesin elge jetkizý proesin tolyǵymen saqtandyrý kompanııasymen birge uıymdastyrǵan.

Onyń aıtýynsha, shetelge demalýǵa nemese ózge maqsatta shyǵatyn barlyq azamattarǵa mindetti túrde saqtandyrý polısin rásimdeý kerek.