جاڭالىقتار
ەگيپەتتە قازاقستان ازاماتتارى جاپپاي تۇتقىندالىپ جاتىر
ءسىم وتانداستارىمىزدان ەشقانداي رەسمي ءوتىنىش تۇسپەگەنىن ايتتى
فوتو: ۆيدەودان سكرين
الەۋمەتتىك جەلىدە كاير قالاسىندا قۇقىق قورعاۋ ورگاندارىنىڭ شەتەلدىكتەرگە رەيد ۇيىمداستىرعان ءساتى تۇسىرىلگەن ۆيدەو تارادى, دەپ جازادى Skifnews.kz اقپاراتتىق پورتالى.
ۇستالعانداردىڭ اراسىندا ستۋدەنتتەر دە بار. جەرگىلىكتى تۇرعىنداردىڭ ايتۋىنشا, قازاقستان, وزبەكستان جانە رەسەيدەن كەلگەن وتباسىلار اپتا بويى تۋىستارىن تابا الماي ءجۇر. ولاردى كۇشتەپ ۇيدەن نەمەسە كوشەدەن الىپ كەتىپ جاتىر.
ۇستالعان ستۋدەنتتەردىڭ ايتۋىنشا, قۇقىق قورعاۋ قىزمەتكەرلەرى وقۋ ورىندارىنىڭ ماڭىندا كۇتىپ تۇرىپ, ستۋدەنتتەردى ۇستاپ, ولاردىڭ ەلدە زاڭدى تۇردە جۇرگەنىنە قاراماستان, دەپورتاتسيالاۋدا. جەرگىلىكتى حالىقتىڭ سوزىنشە, ۇستاۋ كەزىندە پوليتسيا قىزمەتكەرلەرى ازاماتتاردىڭ بارلىق جەكە زاتتارىن تارتىپ الىپ, كەيىن قايتارماعان.
ال قازاقستاننىڭ سىرتقى ىستەر مينيسترلىگى وتانداستارىمىزدان ەشقانداي رەسمي ءوتىنىش تۇسپەگەنىن, بىراق ەگيپەتتەگى ستۋدەنتتەرمەن كوشى-قون زاڭناماسىن ساقتاۋ ماسەلەسى بويىنشا الدىن الا اڭگىمەلەسۋ وتكىزگەنىن حابارلادى.
