Jańalyqtar
«Egiz uldarymdy 6 aı kórgen joqpyn»: Qaraǵandyda turatyn áıeldiń eks-kúıeýi balalaryn alyp, Reseıge qashyp ketken
Foto: skrın
Qaraǵandy qalasynda turatyn Ilsııar Nagaeva esimdi áıel jarty jyldan beri egiz balasyn kórýge zar bolyp otyr. Onyń burynǵy kúıeýi Ilvır Nagaev 9 maýsymda balalardy urlap alyp, Reseı shekarasynan asyp ketken eken, dep habarlaıdy qandastar.kz matritca.kz-ke silteme jasap.
Qaraǵandy oblysy Shet aýdany Aqjal kentinde turatyn ananyń vıdeosy áleýmettik jelide taraǵan edi. Redakııa tilshisi onyń jeke baılanys nómirlerin taýyp, suhbat aldy. Ilsııar Nagaeva kúıeýimen áleýmettik jelide tanysqanyn aıtyp berdi.
«Tanysa sala aıtqany — tatar ultynyń qyzyna úılenemin dedi. Osy sózinen qatty kúmándandym. Birden áıel qylyp alasyń ba, aldymen tanysý kerek shyǵar dedim. Bastapqyda onyń túr-tulǵasy, bolmysy unamady. Biraq ýaqyt óte kele onyń shyn peıili, otbasy qurýǵa degen nıeti meni baýrap aldy. 2020 jyldyń 13 shildesinde otaý qurdyq. Onyń anasy, ıaǵnı meniń burynǵy enem basynan bastap ómirimizge aralasa bastady. Men oǵan mán bermeýge tyrystym. Sebebi kúıeýimdi ol kezde jaqsy kóretin edim. Keıin júkti ekenimdi bildim. Qursaǵymda egiz bala jatty. Osylaısha, Qaraǵandyǵa kóship, ıpotekaǵa úı aldyq. 2021 jyldyń shildesinde men egiz balamdy bosanǵan soń, otbasynda daý kóbeıdi. Bundaı urys-keris jas otbasylardyń bárinde bolatyn shyǵar dep mán bermedim», — deıdi ol.
Ilsııar Nagaevanyń aıtýynsha, burynǵy joldasy Qaraǵandydan Astanaǵa qaraı kósheıik degen soń olar 2022 jyldyń qarashasynda elordaǵa kelgen.
«Onyń anasy bizdiń jeke ómirimizge aralasýyn toqtatpady. Úıde jıi urys bolatyn edi. 2024 jyldyń sáýirinde bolmashy nárse úshin taǵy da ursysyp qaldyq. Qazir oılasam, ol menimen ursysyp, ajyrasýdyń syltaýyn ǵana izdegen sııaqty. Onyń týystary burynǵy kúıeýimdi maǵan qarsy qoıa bastady. Men úıden ketkenshe burynǵy joldasym menimen sóılespedi. Aınalamdaǵy adamdar onyń osyndaı ekenine senbeıtin. Sebebi ol syrtta óte sypaıy, qamqorshy bola qalatyn. Qazir onyń osy áreketterin túsinip jatyrmyn. 20 mamyrda men odan ketip tyndym. Aqjal kentinde turyp jatqan ata-anamnyń qolyna keldim. Ol maǵan jıi habarlasyp, shý shyǵaryp aýylǵa da keletin», — deıdi ol.
Ilsııar Nagaevanyń aıtýynsha, 9 maýsymda ádettegideı burynǵy kúıeýi aýylǵa kelip, egiz balasyn kólikke salyp alyp ketken.
«Bul jaǵdaıdyń arty ýshyǵyp ketedi dep oılaǵan joqpyn. 11 maýsymda balalardyń artynan bardym. Biraq enem men burynǵy kúıeýim jolymdy bógep, páterden qýyp shyqty. Polıııa men qamqorshylar kómektespedi. Sender áli erli-zaıyptysyńdar, onyń da quqyǵy bar dedi. Men balalar menimen turýy kerek ekenin aıtyp, ajyrasýǵa aryz berdim. Keıin sot otyrystary bastaldy. Onyń týystary meni qorqytýdy jalǵastyra berdi. О́z balalarymdy 1 tamyzda sot bekitken psıhologııalyq saraptama kezinde kórdim. Balalarymdy kóre sala jylaı berdim. Keıin joldasymnyń týystary olardy alyp ketti. Sodan beri eki balamdy kórgen joqpyn», — deıdi Ilsııar Nagaeva.
Ilvır Nagaev sot otyrysyna tek bir ret qana kelgen eken. Qalǵan otyrystarǵa onyń advokaty qatysqan. Sot sheshimi endi kúshine ený kerek bolǵan kezde burynǵy kúıeýi appelıaııalyq shaǵym túsirip, sot otyrysy taǵy bir aıǵa sozylǵan. Ol osy ýaqyt ishinde jumysynan shyǵyp, eki balamen Reseıge qashyp ketken.
«Meniń bar bilgenim osy ǵana. Qazir Reseıdiń qaı qalasy ekenin de bilmeımin. Qazir ol aqparatty taba alatyndar jumys istep jatyr. 6 qarashada sot sheshimi shyǵyp, zańdy kúshine endi. Men Astana qalasyndaǵy Saryarqa aýdandyq polıııasyna aryzdandym. Sondaı-aq e-otinihs arqyly da aryz jazdym. Olar isti ýchaskelik polıııaǵa bergen», — deıdi Ilsııar Nagaeva.
Ilsııar Nagaeva búginde kimnen kómek suraıtynyn bilmeı otyr. Balasyn jarty jyl kórmegen ana kúndiz kúlkiden, túnde uıqydan aıyrylǵan. Redakııa bul oqıǵaǵa qatysty Saryarqa aýdandyq polıııa bólimine iske qatysty suraý joldady.
