«Eki atamdy da atyp, belgisiz jerge kómdi»: Prezıdenttiń baspasóz hatshysy otbasynda bolǵan qıyndyqty aıtty

Qasym—Jomart Toqaevtyń baspasóz hatshysy Rýslan Jeldibaı áýletiniń basynan ótken qıyndyqty aıtty. Tipten ol erterekte tegin de ózgertkisi kelgen, dep habarlaıdy qandastar.kz

Aıtýynsha óziniń ata-babalary saıası qýǵyn—súrginniń qurbany bolǵan.

«Mektepte oqyp júrgende tegimdi ózgertkim keletin. Atamnyń esimi Egemberdi, bizdiń áýlette kópshiligimizdiń tegi solaı. Al meniki arǵy atamnyń tegi. Sol sebepti tegimdi Egemberdi dep jazdyrǵym kelgen edi.

Biraq bir áńgime bárin ózgertti. Ákem arǵy atamnyń taǵdyryn aıtyp bergen. Ol kisi dáýletti, elge syıly bolǵan eken. 1930 jyldary Sovettik bıliktiń saıası qýǵyn-súrginine ushyraǵan. Qaıda jerlengenin de naqty bilmeımiz, tek shamamen ǵana boljaımyz. Ájemizden de habar joq.

Atam sol kisiniń jalǵyz uly, taǵdyrdyń tálkegimen jetim qalǵan. Naǵashy atam da sol qýǵyn-súrginniń qurbany», — dep jazdy ol.

Aıtýynsha, jaqyndary Stalındik qýǵyn, jazalaý kezinde bir birlerinen ajyrap qalǵan. Al atalary sol qalpy oralmaǵan.

«Apam týǵan sińilisinen kóz jazyp qalyp, ekeýi arada 40 jyl ótken soń, 1972 jyly ǵana birin-biri qaıta tapqan. Eki atamdy da atylǵandarmen, túrmede kóz jumǵandarmen birge belgisiz jerge kóme salǵan degen habarymyz bar.

Bul meniń ǵana emes, myńdaǵan qazaq otbasynyń taǵdyry», — dedi Rýslan Jeldibaı.

Skifnews.kz jazǵandaı,   Qazaqty zııalylary túgelge jýyq atylyp, jazyqsyz jandar qýdalaýǵa ushyraǵan qurbandardy eske alý kúni.

«Biz jazyqsyz qýǵyn-súrginge ushyraǵan memleket jáne qoǵam qaıratkerleriniń, ǵalymdar men dárigerlerdiń, sondaı-aq, olardyń týystary men jubaılarynyń esimin umytpaýymyz kerek. Biraq qandaı aýyr bolsa da, ótken kúnderdiń qasireti elimizdiń damýyna, ósip-órkendeýine kedergi bolmaýǵa tıis.

Qazaq halqy táýelsiz jáne egemen el bolý jolynda san túrli qıyndyqty artqa tastap, kóptegen syn-qaterdi eńserdi. Sondyqtan, táýelsizdik – bárinen qymbat qasterli uǵym ekenin sanaǵa sińirýimiz qajet.

Jalpyulttyq birligimizdi kózdiń qarashyǵyndaı saqtap, memlekettigimizdi nyǵaıtý mańyzdy. Taǵy da qaıtalap aıtamyn: ótkendi umytpaı, tól tarıhymyzǵa qurmetpen qaraý – durys, demek, biz tek alǵa qaraı júrip, jarqyn bolashaqqa umtylýymyz kerek», — degen edi Prezıdent Toqaev.

Biz buny umytpaýymyz kerek. Este saqtaý paryz.

«Biraq ókinish pen yzaǵa boı aldyrmaı, bolashaqqa qarap, memleketimizdi damytý amanat.

Sebebi biz solar armandaǵan, biraq jete almaǵan Táýelsizdiktiń urpaǵymyz. Endeshe, onyń qadirin bilý bizdiń mindetimiz»,  — dep jazdy Prezıdenttiń baspasóz hatshysy.