«ەكى اياقتى مالدار ارامىزدا ءجۇر»: شىمكەنتتىك شەنەۋنىكتىڭ جازباسى سىنعا قالدى

شىمكەنت قالالىق جايلى ورتانى دامىتۋ باسقارماسىنىڭ باسشىسى ابىلقايىر وڭعار الەۋمەتتىك جەلىدەگى جازباسى سىنعا قالدى, دەپ حابارلايدى Skifnews.kz اقپارات پورتالى. 

«ەكى اياقتى مالدار ارامىزدا ءجۇر! قوقىس تاستاعان ادامعا مال دەپ ايتساڭ تاعى رەنجيدى», – دەپ جازعان شەنەۋنىك.

جۋرناليست اباي بالاجان شەنەۋنىكتىڭ جازباسىنا شۇيگىلىپ, ادامداردى «مال» دەپ اتاعانىنا ىزالاندى.

مىنا تومەندەگى جازبانىڭ يەسى كەشەگى وقىماعان قازاق ەمەس. وقىعان قازاق. قۇر وقىعان قازاق ەمەس, ايدىك شەنەۋنىك! شىمكەنت قالالىق جايلى ورتانى دامىتۋ باسقارماسىنىڭ باسشىسى كورىنەدى. 1994 جىلى دۇنيەگە كەلگەن. ءيا, قوقىس تاستاعان ادامدى اقتاپ العالى وتىرعان جوقپىز. قوقىستى كوشەگە بىلمەي تاستاسا دا, ءبىلىپ تاستاسا دا ول – قوعام ءۇشىن زيانكەس ادام. بىراق, ولاردى مال دەپ سوگۋ قالاي بولادى? قوقىس تاستايتىن ادام دا, قوقىس تاستامايتىن ادام دا حالىقتىڭ قۇرامىنا كىرەدى, قالىڭ بۇقارا وكىلى بولىپ سانالادى. ال, سەن بيلىكتىڭ وكىلىسىڭ, ابىلقايىر بالا! سوندا بيلىكتە وتىرىپ, ءوز حالقىڭدى مال دەيسىڭ بە? ىزادان جارىلىپ ءولىپ بارا جاتساڭ نادان دەسەڭ دە جەتەر ەدى عوي…, – دەپ جازدى جۋرناليست.