«Eki aıaqty maldar aramyzda júr»: Shymkenttik sheneýniktiń jazbasy synǵa qaldy

Shymkent qalalyq jaıly ortany damytý basqarmasynyń basshysy Ábilqaıyr Ońǵar áleýmettik jelidegi jazbasy synǵa qaldy, dep habarlaıdy Skifnews.kz aqparat portaly. 

«Eki aıaqty maldar aramyzda júr! Qoqys tastaǵan adamǵa mal dep aıtsań taǵy renjıdi», – dep jazǵan sheneýnik.

Jýrnalıst Abaı Balajan sheneýniktiń jazbasyna shúıgilip, adamdardy «mal» dep ataǵanyna yzalandy.

Myna tómendegi jazbanyń ıesi keshegi oqymaǵan qazaq emes. Oqyǵan qazaq. Qur oqyǵan qazaq emes, áıdik sheneýnik! Shymkent qalalyq jaıly ortany damytý basqarmasynyń basshysy kórinedi. 1994 jyly dúnıege kelgen. Iá, qoqys tastaǵan adamdy aqtap alǵaly otyrǵan joqpyz. Qoqysty kóshege bilmeı tastasa da, bilip tastasa da ol – qoǵam úshin zııankes adam. Biraq, olardy mal dep sógý qalaı bolady? Qoqys tastaıtyn adam da, qoqys tastamaıtyn adam da halyqtyń quramyna kiredi, qalyń buqara ókili bolyp sanalady. Al, sen bıliktiń ókilisiń, Ábilqaıyr bala! Sonda bılikte otyryp, óz halqyńdy mal deısiń be? Yzadan jarylyp ólip bara jatsań nadan deseń de jeter edi ǵoı…, – dep jazdy jýrnalıst.