ەكى قىزىن تۇنشىقتىرىپ ولتىرگەن: 21 جاستاعى قازاقستاندىققا سوت ۇكىمى شىقتى

جانتۇرشىگەرلىك وقيعا بيىل ساۋىردە بولدى. سوت مالىمەتىنشە, ايىپتالۋشى ءۇش جاس قىزىمەن بىرگە قاراعاندى وبلىسىنىڭ بۇقار جىراۋ اۋدانىنداعى اۋىلداردىڭ بىرىندە بىرگە تۇرعان. ءبىر كۇنى ەر ادام ۇيدە بالالارىمەن بىرگە تۇراتىن ايەلدى جاۋىپ, جۇمىسقا كەتەدى.

ايىپتاۋ اكتىسىنە سايكەس, جاس ايەل اقشانىڭ, ازىق-ت ۇلىكتىڭ جەتىسپەۋشىلىگىنەن جانە بالالاردىڭ ۇنەمى جىلاۋىنان كۇيزەلىسكە ۇشىراعان. ال ونىڭ ۇيدە قاماۋدا وتىرۋى جاعدايدى ودان ءارى ناشارلاتتى. بالالاردىڭ كەزەكتى رەت جىلاعاننان كەيىن ول ۇلكەن قىزىنا توسەككە جاتۋدى بۇيىرىپ, ولاردى كورپەمەن جاۋىپ, تۇنشىقتىرعان.

سوتتالۋشى كىنانى ءىشىنارا عانا مويىندادى. ول بالالاردى ولتىرۋگە نيەتى بولماعانىن, ولاردى ازداپ تىنىشتاندىرعىسى كەلگەنىن مالىمدەدى. سوتتالۋشىنىڭ ادۆوكاتى ايىپتاۋدى 99-باپتىڭ 3-بولىگىنەن «كامەلەتكە تولماعان ادامداردى ءولتىرۋ» قر قىلمىستىق كودەكسىنىڭ 104-بابىنىڭ 2-بولىگىنە «ەكى ادامعا ابايسىزدا ءولىم كەلتىرۋ» قايتا سارالاۋدى سۇرادى.

قاراعاندى وبلىسىنىڭ سوتى ءىس بويىنشا جينالعان بارلىق ماتەريال مەن دالەلدەمەلەردى زەردەلەگەننەن كەيىن سوتتالۋشىنى كامەلەتكە تولماعان بالالاردى ولتىرگەنى ءۇشىن كىنالى دەپ تانىپ, 20 جىلعا باس بوستاندىعىنان ايىرۋ جازاسىن تاعايىندادى. ول جازاسىن ورتاشا قاۋىپسىزدىك قىلمىستىق-تۇزەۋ جۇيەسى مەكەمەسىندە وتەيدى.

ء«ىس بويىنشا كىنا مەن جازانى جەڭىلدەتەتىن جانە اۋىرلاتاتىن ءمان-جايلار انىقتالعان جوق. سوتتالۋشىعا جۇكتەلگەن باپتىڭ سانكتسياسى 20 جىل مەرزىمگە باس بوستاندىعىنان ايىرۋ نەمەسە ءومىر بويىنا باس بوستاندىعىنان ايىرۋ تۇرىندەگى جازانى كوزدەيدى. جازا تاعايىنداۋ كەزىندە قىلمىستىق كودەكستىڭ 46-بابىنىڭ 4-بولىگىنىڭ تالاپتارى ەسكەرىلدى, وعان سايكەس ايەلدەرگە ءومىر بويىنا باس بوستاندىعىنان ايىرۋ تاعايىندالمايدى. ۇكىم زاڭدى كۇشىنە ەنگەن جوق», – دەپ حابارلادى قاراعاندى وبلىسىنىڭ سمۋس ءباسپاسوز قىزمەتى.

ايتا كەتەيىك, سوتتالۋشىنىڭ ءۇش قىزى بولعان, كەنجەسى قىلمىس جاسالعان كەزدە نەبارى التى ايلىق بولعان. اناسى ۇستالعاننان كەيىن نارەستە نارەستەرلەر ۇيىنە جىبەرىلدى.