ەكى وبلىستا كولىك قوزعالىسى شەكتەلدى

فوتو: istockphoto.com

اۋا رايىنىڭ قولايسىزدىعىنا بايلانىستى ەلىمىزدىڭ ەكى وڭىرىندە كولىك قوزعالىسىنا شەكتەۋ قويىلدى, دەپ حابارلادى qandastar.kz

قاراعاندى وبلىسى:

2024 جىلعى 14 جەلتوقساندا ساعات 20:00-دە اۋا رايىنىڭ بۇزىلۋىنا بايلانىستى «استانا-قاراعاندى-الماتى» اۆتوجولىنىڭ 1353-1426 شاقىرىم ارالىعىندا (اقمولا وبلىسىنىڭ شەكاراسىنان تەمىرتاۋ تولەماقى الۋ پۋنكتىنە دەيىن) كولىكتىڭ بارلىق ءتۇرىنىڭ قوزعالىسىنا شەكتەۋ قويىلادى.

اقمولا وبلىسى:

2024 جىلعى 14 جەلتوقساندا ساعات 20:00-دە قاراعاندى وبلىسىندا اۋا رايىنىڭ بۇزىلۋىنا بايلانىستى «استانا-قاراعاندى-الماتى» اۆتوجولىنىڭ 1291-1353 شاقىرىم ارالىعىندا (جىبەك جولى تولامقى الۋ پۋنكتىنەن قاراعاندى وبلىسىنىڭ شەكاراسىنا دەيىن) كولىكتىڭ بارلىق ءتۇرىنىڭ قوزعالىسىنا شەكتەۋ قويىلادى.

جولدى 2024 جىلعى 15 جەلتوقسان ساعات 08:00-دە اشۋ جوسپارلانعان.