ەكى ۇلى اناسىنىڭ ءمايىتىنىڭ جانىندا ويناپ جۇرگەن: قارىز ءۇشىن جالعىزباستى كەلىنشەكتى ءولتىرىپ كەتتى

فوتو: Alash.kz

ەكى بالانىڭ اناسى زارەما وزدوەۆا 2024 جىلدىڭ ماۋسىم ايىندا جوعالىپ كەتكەن. تۇنگى اۋىسىمنان كەيىن ۇيىنە قايتىپ كەلە جاتىپ, پودەزگە كىرگەنىمەن, ءبىرىنشى قاباتتاعى پاتەرىنە جەتە الماعان. سول ساتتەن باستاپ ونى ىزدەۋ باستالدى, دەپ حابارلايدى qandastar.kz سايتى ALASH.KZ ۇلتتىق پورتالىنا سىلتەمە جاساپ.

زارەما وزدوەۆانىڭ دەنەسى وسى ۋاقىت بويى ءدال قارسى بەتتەگى — قوقىسقا تولى, قاراۋسىز قالعان پاتەردە جاتقان.

ءدال سول جەردە ونىڭ بالالارى وزدەرىنە «شتاب» جاساپ, ۋاقىت وتكىزگەن. ولار ءوز اناسىن سول جەردە جاتىر دەپ ويلاماعان دا.

بۇل پاتەردى پوليتسەيلەر تەكسەرگەن, الايدا زارەمانى بايقاماعان. بىرنەشە كۇننەن كەيىن ونىڭ دەنەسىن ەرىكتىلەر تاپقان.

بەلگىلى بولعانداي, زارەمانى قارىزى ءۇشىن ءۇشىن سول قۇربىسىنىڭ كوڭىلدەسى ولتىرگەن.

زارەمانىڭ قابىرعالارى سىنعان, اۋزى تىلىنگەن. قىلمىسكەر 10 جىلعا باس بوستاندىعىنان ايىرىلدى.

ال ول تۋرالى ايتپاعان قۇربىسى — 2 جىلعا سوتتالدى.

مارقۇمنىڭ وتباسى قىلمىسكەرلەرگە قاتاڭىراق جازا تالاپ ەتۋدە.