«Ekibastuz GRES-2-ni» jańǵyrtý kezindegi 1 mıllıard teńgeni jymqyrý isi: Sottalýshylar aqtalyp shyqty

Foto: samruk-energy.kz

Ekıbastuzda eldegi eń iri elektr energııasyn óndirýshilerdiń biri sanalatyn GRES-2-ni jańǵyrtý barysynda mıllıardtaǵan teńge qarajat jymqyrý deregine qatysty rezonansty is boıynsha sot proesi aıaqtaldy, dep jazdy qandastar.kz Stan.kz aqparat agenttigine silteme jasap.

Aıta keteıik, ótken jyldyń aqpanynda Pavlodar oblysynyń prokýratýrasy «Ekibastuz GRES-2» akıonerlik qoǵamynda qomaqty qarajat talan-tarajǵa salynǵanyn anyqtady. Bul qarajat úshinshi energoblokty salýǵa jáne stanııany keńeıtip, qaıta jańǵyrtýǵa arnalǵan bolatyn. Rastalmaǵan jumystardyń jalpy somasy shamamen 1 mıllıard teńge bolǵan. Osy derek boıynsha Qylmystyq kodekstiń 189-baby («Senip tapsyrylǵan bóten múlikti ıemdenip alý nemese talan-tarajǵa salý»)  boıynsha is qozǵaldy.

Bul is boıynsha tórt adamǵa aıyp taǵyldy, olardyń úsheýi sotta aqtaldy. Aıyptalýshylar qatarynda stanııanyń burynǵy materıaldyq-tehnıkalyq jabdyqtaý bóliminiń bastyǵy Sh., basqarma tóraǵasy T., kúrdeli qurylys basqarmasynyń bastyǵy B. jáne merdiger uıymnyń qarjy dırektory V. boldy.

Aıyptaýshylarǵa qyzmet babyn paıdalanyp, aldyn ala sóz baılasý arqyly asa iri kólemde senip tapsyrylǵan múlikti jymqyrdy degen aıyp taǵyldy. Sonymen birge sottalýshy Sh.-ǵa «Alaıaqtyq» baby boıynsha da aıyp taǵyldy.

Aıyptaý nusqasyna sáıkes, 2012–2014 jyldary aıyptalýshylar baqylaýyndaǵy fırmalar arqyly rotorly tıegish mashınaǵa bólingen 953,6 mln teńgeni jáne balshyq sorǵysh keme satyp alýǵa bólingen 113,6 mln teńgeni jymqyrǵan. Prokýrordyń aıtýynsha, bul jabdyqtar áli kúnge deıin paıdalanýǵa berilmegen: rotorly tıegish mashına áli jumys istemeıdi, konveıer taspalary joq, iske qosý-baptaý jumystary júrgizilmegen. Al GRES-2 shotynan 1,1 mlrd teńgeden astam qarjy «birkúndik» fırmalar arqyly jalǵan aktilermen shyǵarylǵan.

Aıyptaý deregine sáıkes, negizgi róldi Sh. atqarǵan. Onyń serigi retinde P. esimdi Qyrǵyzstan týmasy ataldy, oǵan ótken jyly syrttaı kúdikti dep tanylyp, halyqaralyq izdeý jarııalanǵan.

Aıyptaý aktisi birneshe ret ózgertildi: memlekettik aıyptaýshy áýeli jeti kúdiktini atady, keıin tizim qysqaryp, tórt adam qaldy. Aıyptalýshylar men olardyń qorǵaýshylarynyń qarsylyǵynan soń taǵy úsh adam qaıta engizildi de, basty uıymdastyrýshy men sybaılastar naqtylandy.

Qorǵaýshylardyń aıtýynsha, 2013 jyly GRES-2 kommerııalyq kásiporyn bolǵandyqtan, memleket akııalardyń baqylaý úlesine ıe bolmaǵan. Buǵan qosa qorǵaýshylar kýágerlerdiń aıǵaqtarynyń naqtylyǵan kúmán keltirdi, óıtkeni olardyń birazy ártúrli jyldary bir-birine qarama-qaıshy keletin anyqtamalar bergen.

Aıyptalýshylar óz kinásin moıyndamaı, aqtaýdy talap etti.

Prokýror olardy kináli dep tanyp, 7–8 jylǵa bas bostandyǵynan aıyrýdy jáne 1,1 mlrd teńge kóleminde zalaldy birlesip óteýdi surady.

Sot úkimi

«Sh.-ny Qylmystyq kodekstiń 190-baby, 4-bólimi, 2-tarmaǵy («Asa iri kólemdegi alaıaqtyq») boıynsha kináli dep tanyp, biraq eskirý merzimine baılanysty qylmystyq jaýapkershilikten bosatylsyn», – dep oqydy úkimdi Ekibastuz qalalyq sotynyń sýdıasy Álııa Átkeshova.

Qalǵan úsh aıyptalýshy qylmys quramynyń bolmaýyna baılanysty aqtaldy.

«Jábirlenýshiler men kýálardiń aıǵaqtaryn, sondaı-aq is boıynsha jınalǵan dáleldemelerdi taldaı kele, sot olardyń shynaıy ári zańdy ekenin anyqtady jáne Sh-nyń áreketterin Qylmystyq kodekstiń-niń 190-baby, 4-bólimi, 2-tarmaǵyna qaıta saralady. Rotorly tıegish mashınaǵa qatysty epızod boıynsha onyń kinási dáleldendi. Al balshyq sorǵysh kemege qatysty epızodta kinási dáleldenbegendikten, ol aqtaldy», – dep túsindirdi sýdıa.

Ol stanııa ókilderiniń Sh-ǵa keltirilgen zalaldy óteý jónindegi azamattyq talabyn da ishinara qanaǵattandyrdy. Sondaı-aq sýdıa proessýaldyq zańbuzýshylyqtarǵa jol berilgeni úshin prokýratýra atyna jeke qaýly shyǵardy.

«Bul is 10 jyl burynǵy derek boıynsha qaraldy. Sot proesi segiz aıdan astam ýaqytqa sozyldy. Qorǵaý taraby kinásizdikti dáleldeıtin barlyq aıǵaqty usynǵanymen, prokýror aıyptaýdan bas tartpady. Ol aıyptaý aktisin úsh ret ózgertip, sotqa ártúrli nusqa usyndy. Quqyq qorǵaýshylar men prokýratýranyń zańsyz áreketteriniń saldarynan meniń qorǵaýymdaǵy azamat 1,5 jyldan astam ýaqyt zańsyz qýdalaýǵa ushyrady», – dedi advokat Ásem Bákimbaeva.

Sotta belgili bolǵandaı, halyqaralyq izdeýde júrgen qyrǵyz azamaty P.-niń isi bólek óndiriske bólingen, ol boıynsha tergeý jalǵasady. Shekara qyzmetiniń deregine súıensek, ol úsh jyl buryn otbasymen birge Qazaqstannan ketip qalyp, sol kúıi oralmaǵan.