«ەكىنشىسى ولەر الدىندا ءبىرىنشىنىڭ جەرلەۋىنە قاتىسقان»: جامبىلدا بىرىنەن سوڭ ءبىرى وزىنە قول جۇمساعان جاسوسپىرىمدەر تۋرالى دەرەك شىقتى

فوتو: اشىق دەرەككوز

جامبىل وبلىسى بايزاق اۋدانىنىڭ تۇيمەكەنت اۋىلىندا ەكى ءجاسوسپىرىمنىڭ وزدەرىنە قاتارىنان قول سالۋى كوپتى ەلەڭ ەتكىزدى. ەكەۋى ءبىر اۋىلدا, ءبىر كوشەدە تۇراتىن. ستۋدەنت پەن وقۋشى ءبىر-ءبىرىن تانىعان, وقۋشى بالا ءتىپتى كورشىسىنىڭ جەرلەۋىنە قاتىسقان. قازىر تەرگەۋ ەگجەي-تەگجەيلى زەرتتەلىپ جاتىر, بىراق رەسمي نۇسقاعا سايكەس, بۇل ەكى ءولىمنىڭ ەشقانداي بايلانىسى جوق. بۇل تۋرالى qandastar.kz اقپارات اگەنتتىگى كتك ارناسىنا سىلتەمە جاساپ حابارلايدى.

26 قازاندا تارازداعى كوللەدجدىڭ 15 جاستاعى ستۋدەنتىنىڭ ءمايىتى بايلانىس مۇناراسىنان تابىلعان. ءىنىسى سول جەردەن ونى ءولى كۇيىندە كوردى. كەلەسى كۇنى تاڭەرتەڭ تاعى ءبىر 16 جاستاعى وقۋشىنىڭ دەنەسى ءوز ءۇيىنىڭ قوراسىنان تابىلدى.

تۇرعىنداردىڭ ايتۋىنشا, اتالمىش بايلانىس مۇناراسى جاستار اراسىندا تانىمال. مۇنارانىڭ قورشالعان ايماعىنا كىرۋ دە وڭاي دەيدى.

كورشىلەردىڭ ايتۋىنشا, ەكى جىگىت تە كوپبالالى وتباسىدان شىققان جانە ءبىر كوشەدە تۇراتىن. ايتۋىنشا, ەكى بالا دا جاقسى بولعان, بىر-ءبىرىن جاقسى بىلەتىن, جەرلەۋىنە قاتىسقان. بىراق اۋىل تۇرعىندارى جاسوسپىرىمدەردىڭ نە سەبەپتى مۇنداي قادامعا بارعانىن تۇسىنە الار ەمەس. تەك ولاردىڭ بىرەۋى ولەر الدىندا حات جازىپ قالدىرعان دەگەن قاۋەسەت بار.

“كوز الدىمىزدا جۇرگەن, كوپبالالى وتباسىدان شىققان, تاربيەلى بالالار, قينالىپ وسكەن جوق. جاقسى بالا, مەكتەپكە باردى, اتا-اناسىنا كومەكتەستى. مەن نە بولعانىن ەلەستەتە دە المايمىن”, – دەدى مارقۇمنىڭ كورشىسى داۋلەتقۇل مولدابەكوۆ.

پوليتسەيلەر ازىرگە قوس قايعىلى وقيعانىڭ جاي-جاپسارىن اشقان جوق. ولار ەكى جاعدايدى دا ء«وزىن-ءوزى ولتىرۋگە يتەرمەلەۋ» بابى بويىنشا تەرگەپ جاتىر.

“وسى فاكتىلەر بويىنشا بايزاق اۋداندىق ىشكى ىستەر ءبولىمىنىڭ قىزمەتكەرلەرى سوتقا دەيىنگى تەرگەۋ امالدارىن باستادى. وقيعانىڭ ەگجەي-تەگجەيلى ءمان-جايىن انىقتاۋ ءۇشىن قاجەت كەشەندى تەرگەۋ شارالارى جۇرگىزىلىپ جاتىر. ەكى وقيعانىڭ ءبىر-بىرىمەن بايلانىسى جوق, ولار ءبىر-بىرىنە تۋىس ەمەس”, – دەپ مالىمدەدى جامبىل وبلىسى ءىىد ءباسپاسوز قىزمەتىنىڭ جەتەكشىسى گۇلسارا مۇحتارقۇلوۆا.

قازىر اۋىلدا پسيحولوگ, پەداگوگ, ينسپەكتورلاردان قۇرىلعان كوميسسيا جۇمىس ىستەيدى. ولار اۋلالاردى ارالاپ, بولعان وقيعانىڭ سەبەپتەرىن تۇسىنۋگە تىرىسىپ ءجۇر.

ەسكە سالساق, بۇعان دەيىن جامبىل وبلىسىنداعى ءبىر اۋىلدا ەكى ءجاسوسپىرىم وزىنە قول جۇمساعانى ايتىلدى.