Jańalyqtar
Ekologııa mınıstriniń eksperımenti qazaqstandyqtardy tańǵaldyrdy
Foto: mınıstrlik
Jeli qoldanýshylary ekologııa jáne tabıǵı resýrstar mınıstri Erlan Nysanbaevtyń 17 gradýstyq túngi aıazdan keıin 5 mınýt ishinde kólik qyzdyrǵan eksperımentine qatysty jappaı pikir bildirýde, dep habarlaıdy qandastar.kz
2025 jylǵy 21 qańtarda Erlan Nysanbaev qys mezgilinde avtokólikti 5 mınýttan artyq qyzdyrǵanǵa salynatyn aıyppulǵa oń kózqarasyn bildirip, sózin ispen dáleldeýge daıyn ekenin málimdedi. Mınıstrdiń aıtýynsha, ol sol kúni kóligin syrtta qaldyrǵan, al 22 qańtarda tańerteń onyń temir tulpary 5 mınýttyń ishinde qyzǵan.
Ekologııa Mınıstrliginiń Instagram paraqshasynda jarııalaǵan eksperıment qyzý talqyǵa tústi. Endi oǵan qazaqstandyqtar bul eksperımentti qaıtalaýdy, tek bul joly eski mashınada jáne kýáger qosýdy umytpaýdy usyndy.
- Mınıstr myrza bul vıdeomen ótirik qoıylym jasaǵan. Sebebi, mashınanyń terezesinde qar nemese muz joq.
- Aýa temperatýrasy 20 gradýstyń aınalasynda mashınanyń terezesi tolyǵymen jabylyp, muz nemese qyraý qatyp turady. Ásirese 21 aqpanda qarly boran turǵanyn eskersek. Terezedegi qar qaıda ketken? Álde jyly garajdan jańa ǵana shyqqan mashına ma?
- Bundaı saıqymazaq qoıylym jasaý uıat emes pe?
- Jurttyń bári mınıstr uqsap jańa kólik mine bermeıdi
- Halyqty aqymaq qylýdy qoıý kerek qoı
- Qyraý da joq qoı…
- Endi eski kólikpen istep kórińizshi
- Jaqsy qoıylym
