ەكولوگتار پىكىرى: كاسپي تەڭىزى قىزىل تۇسكە بويالدى

فوتو: @112_aktau / Instagram

اقتاۋدا 1-شاعىناۋدانداعى كاسپي تەڭىزىنىڭ جاعالاۋى قىزىل تۇسكە بويالعان. جەرگىلىكتى تۇرعىندار دابىل قاعىپ وتىر, الايدا ەكولوگتار اقتاۋلىقتاردى سابىرعا شاقىردى, دەپ حابارلايدى qandastar.kz

جەرگىلىكتى تۇرعىندار بۇل قۇبىلىسقا كەيبىر حيميالىق توگىندىلەر اسەر ەتۋى مۇمكىن دەپ توپشىلادى. ال ەكولوگتار بۇل قاراپايىم قۇبىلىس ەكەنىن ايتىپ, ەكولوگيا مەن ادامدارعا قاۋىپ توندىرمەيدى دەپ سەندىردى.

«بۇل — ءار قىس سايىن ءجيى كەزدەسەتىن تابيعي قۇبىلىس. اسىرەسە, قار جاۋسا, اق ءتۇس پەن اشىق قىزىل ءتۇس قورقىنىشتى كورىنەدى. قوڭىر بالدىرلار وسىنداي ءتۇس بەرەدى», — دەپ ءتۇسىندىردى «ەكو ماڭعىستاۋ» ۇەۇ باسشىسى كيريلل وسين.

ەكولوگتار سۋىق مەزگىلدە بالدىرلار كوبەيىپ, گۇلدەيتىنىن ايتتى, بۇل وسىنداي «قورقىنىشتى» جاعداي تۋىنداۋىنا ىقپال ەتەدى ەكەن.

ماڭعىستاۋدىڭ ەكولوگيا دەپارتامەنتى دە تەڭىز بالدىرلارىنىڭ اسەرىنەن جاعا قىزىل تۇسكە بويالعانىن مالىمدەدى, بىراق سىنامالار الىنعان.

«دوستار» جاعاجايى, «نۇر-پلازا» جانە ياحتا كلۋبى اۋماعىنان سىنامالار الىندى. تالداۋلارعا سۇيەنسەك, تەڭىزدە حيميالىق اسەر تابىلعان جوق. بالدىرلار ەشقانداي زيان كەلتىرمەيدى. بۇل — تابيعي قۇبىلىس, سوندىقتان الاڭداماڭىزدار», — دەپ ءتۇسىندىردى ماڭعىستاۋدىڭ ەكولوگيالىق زەرتتەۋ زەرتحاناسىنىڭ گيدروبيولوگيا ءبولىمىنىڭ زەرتحاناشىسى نۇربولات وتەمىسوۆ.