ەكونوميكا ءمينيسترى جۇمانعارين جۋرناليستەردى «جىن-شايتانعا» تەڭەپ, سىنعا قالدى

ءماجىلىس كۋلۋارىندا ۇلتتىق ەكونوميكا ءمينيسترى سەرىك جۇمانعارين جۋرناليستەرگە ورىنسىز ءازىل ايتامىن دەپ تاعى سىنعا قالدى. ول دوستوەۆسكيدىڭ «بەسى» رومانىن مەڭزەگەن, دەپ حابارلايدى Qandastar.kz اقپارات پورتالى.

«بۇقارالىق اقپارات قۇرالى قالاي اتالادى? «بەس», ءيا? اتاۋى قىزىق ەكەن. رومان جەلىسى بويىنشا, شىعار, ءيا? فەدور ءميحايلوۆيچتىڭ, سولاي ەمەس پە? سىزدەر نەمەسە «وردا» جازادى… «ورداعا» جىندار كىرىپ كەتتى», – دەپ ءبىرتۇرلى قالجىڭدادى شەنەۋنىك.

جۇمانعاريننىڭ بۇلاي دەۋىنە 23 ماۋسىم كۇنى سەناتتا وتكەن بريفينگتەگى قىلىعى تۋرالى باق بەتتەرىندە جاريالانعان سىني ماقالالار سەبەپ بولدى.  BES.media پورتالىنىڭ ءجۋرناليسى جۇمانعاريننەن استانا حالىقارالىق قارجى ورتالىعى ارقىلى 200 ميلليارد تەڭگەدەن استام سالىق تولەۋدەن جالتارعان كومپانيانىڭ اتىن اتاۋدى سۇراعان. شەنەۋنىك ميكروفونىن ءوشىرىپ, بريفينگتەن كەتىپ قالعان. وسى جايتتى جۋرناليستەر سىناپ جازعان ەدى.

مينيستر باق-تاعى سىنمەن كەلىسپەدى.

«جۇمانعارين بريفينگتى ەرتە جاپتى». تاعى كىم? مەن بريفينگتى جاپقاننان كەيىن ءسىز قوسىمشا سۇراق قويۋدى ءوتىندىڭىز. سولاي عوي? مەن بريفينگتى جاپقاننان كەيىن! نەگە سونى جازبايسىز? ماعان سىزگە دەيىن ەكى سپيكەر قويعان سۇراقتى قويىپ تۇرسىز», – دەدى ول.