Ekonomıst Tramptyń bılikke kelýi ne ózgertetinin aıtty

Foto: abai.kz

Ekonomıst, sarapshy, qarjyger maman Sábıt Rysbaev Qasqa Jol YouTube arnasynda qonaqta bolyp ekonomıkanyń qazirgi jaǵdaıyna baılanysty birneshe saýalǵa qarapaıym tilmen jaýap berdi, — dep habarlaıdy qandastar.kz

Sarapshynyń sózinshe, munaıǵa táýeldi elder nashaqor adamdar sııaqty keledi eken.

«Bıýdjettiń 44%-y munaıdan keletin aqshaǵa qarap tur. Bizdiń 30 jyldan beri aıtyp kele jatqan áńgimemiz ekonomıkany ártaraptandyrý. Bizdiń bıýdjet shıkzatqa qarap qalǵan. Keńes úkimetiniń kezinde de Qazaqstan ekcportynyń 96%-y shıkizatqa qaraǵan. Táýelsizdik alǵanymyzǵa qansha jyl bolsa da áli kúnge sol jolmen kele jatyrmyz. Nashaqorlar nasha qoldanbasa otyra almaıdy ǵoı. Sol sııaqty munaıy bar elder de soǵan senip eshteńe istemeı otyra beredi. О́ıtkeni munaıdan túsetin aqsha kóp nárseni jaýyp jatyr», — deıdi ol.

Sonymen qatar, ekonomıst Trmaptyń taqqa kelýi basqa elderge qalaı áser etetinin de aıta ketti. Onyń sózinshe, dollarmen jınaǵan aqsham joq dep jaıbiraqat júrýdiń qajeti joq.

«Bizdiń búgingi máselemiz Donald Tramptyń bılikke kelýi bolyp otyr. Afrıkada «Effekt babochkı» degen bar. Iaǵnı, Afrıkada kóbelek qanatyn qaǵatyn bolsa, Azııada daýyl turǵyzady degen sóz. Tramptyń bılikke kelýi de osy. Donald Tramp óz sózinde Amerıkanyń ekonomıkasyn úlkeıtip Qytaı, Eýropaǵa BAJ salyqtaryn kóbeıtemiz dedi. Sonyń ishinde munaıdyń baǵasyn da túsiremiz dedi. Amerıka munaıdy kóbirek óndiretinin aıtty. Sebebi Reseı men Ýkraına soǵysyp jatyr. Al Reseı kóp dúnıeni sol munaımen qarjylandyryp otyr. Sol úshin Tramptyń saılaý aldy baǵdarlamasynda osylaı aıtylǵan. Eger munaıdyń baǵasyn shynymen 40-50%-ǵa túsiretin bolsa, bizdiń bıýdjetke túsetin tabys azaıady. Munaıdan túsetin aqsha azaıǵannan keıin teńge qunsyzdanady. Al teńgeniń qunsyzdanýy ınflıaııaǵa alyp keledi. Teńgeniń qunsyzdanýyna keı adam mende dollar joq, maǵan báribir dep qaraýy múmkin. Olaı bolmaıdy. Erteńgi kúni sen aýyrǵanda da ishetin dári-dármegiń syrttan keledi. Dollar qymbattaǵannan keıin bári qymbattaıdy. Kez kelgen taýardyń baǵasy dollar qymbattaǵan saıyn artady. Donald Tramptyń aıtqan dúnıesi biz sııaqty ekonomıkasy munaıǵa baǵynyshty elge tikeleı áser etedi», — dep túsindirdi qarjy mamany.