Eks-depýtattyń qyzy ákesin sotta jeńip shyqty

 Foto: stan.kz

Astanalyq Aıbota Raqymbekova “Aýyl” partııasy tóraǵasynyń birinshi orynbasary, eks-depýtat jáne prezıdenttikke kandıdat bolǵan ákesi Tóleýtaı Raqymbekovti sotta jeńip shyqty. О́geı ákesiniń oǵan jala jaýyp, ar-namysyna tıetin sózder jarııalaǵany dáleldendi, dep qandastar.kz Stan.kz-ke silteme jasap habarlaıdy.

Aıbota Raqymbekova ony ákesi Tóleýtaı Raqymbekov zorlaǵanyn jelide aıtyp, ádildikti talap etken edi. Aıtýynsha, bala kúninde ákesi ony eki ret zorlap, keıin anasynan qalǵan muranyń bir bóligin zańsyz tartyp alǵan. О́zine tıesili múlkinen aıyrylǵan ol 1,5 jasar balasymen birge daǵdarys ortalyǵynda turady.

Keıin eks-depýtat bul málimdemege jaýap berip, qyzyn esirtkige táýeldi, patologııalyq ótirikshi degen edi. Alaıda Aıbota muny jala dep “jeke basyn qorlaý” boıynsha shaǵym túsirgen.

22 qańtarda sot Tóleýtaı Raqymbekovtiń sózin jalǵan dep tanyp Aıbotanyń paıdasyna sheshim shyǵardy.

“Elimizdiń sot júıesi aqyry meniń isimdi obektıvti qarap, ádil sheshimin shyǵardy! Qazir “Alaıaqtyq» baby boıynsha qylmystyq istiń sotqa deıingi tergeýi júrip jatyr. Iaǵnı ákem meni aldap, muramnan aıyrǵany úshin sotqa bergen edim. Buǵan deıin Tóleýtaı Raqymbekov meni ótirikshi, nashaqor dep aıyptaǵan. Bul jalǵan aqparat meniń atyma kir keltirip qana qoımaı, basqalardyń aldynda abyroıymdy túsirdi. Ádil sheshim shyǵaryp, shyndyqty estı alǵany úshin sotqa alǵysymdy bildiremin. Bul sheshim men úshin jaı ǵana jeńis emes – bul ádildik baryn eske túsirip, senimdi qaıta jaqqan kún”, – dedi jábirlenýshi.

Eske salsaq, buǵan deıin eks-depýtat Tóleýtaı Raqymbekovtyń qyzy ákesi bala kúninde zorlaǵanyn aıtyp, ádildikke qol jetkize almaı júrgenin aıtqan.