جاڭالىقتار
ەكس-ديپلومات ساكەن ماماش قاماۋعا الىندى
فوتو:سكرين
استانادا بۇرىنعى ديپلومات ساكەن ماماشتىڭ قاماۋعا الىنۋىنا بايلانىستى پوليتسيا دەپارتامەنتى قىلمىستىق ءىستىڭ تەرگەۋىنە قاتىستى مالىمەتتەردى جاريالادى. بۇل تۋرالى Stan.kz اقپارات اگەنتتىگى حابارلايدى.
ۆەدومستۆونىڭ مالىمەتىنشە, قازاقستان ەلشىلىگىنىڭ ەكس-كەڭەسشىسىنە قاتىستى وتكەن جىلى جۇبايىنا جۇيەلى تۇردە زورلىق-زومبىلىق كورسەتۋ فاكتىسى بويىنشا قىلمىستىق ءىس قوزعالعان.
«پوليتسيا جەدەل-تەرگەۋ توبىن قۇردى. وقيعانىڭ بارلىق ءمان-جايىن انىقتاۋ ءۇشىن قاجەت ساراپتامالار جۇرگىزىلدى. ايعاقتار جيناقتالىپ, بەكىتىلدى,» – دەپ مالىمدەدى دەپارتامەنت.
تەرگەۋدەن كەيىن سوت كۇدىكتىنى قاماۋدا ۇستاۋ تۋرالى شەشىم شىعارعان. قازىر تەرگەۋ امالدارى جۇرگىزىلىپ جاتقاندىقتان, باسقا مالىمەتتەر جاريالانبايدى.
ەسكە سالايىق, بۇعان دەيىن ديپلوماتتىڭ ايەلى كارينا ماماش 5 مامىردا ساكەن ماماش ۇيىنە قوناققا كەلگەن اپكەسى مەن ونى ۇرىپ-سوققانىن ايتقان ەدى. وسىدان كەيىن سىرتقى ىستەر مينيسترلىگى بىرىككەن اراب امىرلىكتەرى ديپلوماتىن تۇرمىستىق زورلىق-زومبىلىق جاسادى دەگەن ايىپپەن قازاقستانعا شاقىرىپ الدى. 9 مامىردا ايەل استاناعا ورالدى. قاۋىپسىزدىك ءۇشىن كارينا بالالارىمەن بىرگە داعدارىس ورتالىعىنا ورنالاستى. شەنەۋنىكتىڭ ايەلى كۇيەۋىنەن 10 جىلدان بەرى ءزابىر كورىپ كەلە جاتقانىن ايتىپ, كومەك سۇراعان ەدى.
