Eks-dıplomat Sáken Mamash qamaýǵa alyndy

Foto:skrın

Astanada burynǵy dıplomat Sáken Mamashtyń qamaýǵa alynýyna baılanysty polıııa departamenti qylmystyq istiń tergeýine qatysty málimetterdi jarııalady. Bul týraly Stan.kz aqparat agenttigi habarlaıdy.

Vedomstvonyń málimetinshe, Qazaqstan elshiliginiń eks-keńesshisine qatysty ótken jyly jubaıyna júıeli túrde zorlyq-zombylyq kórsetý faktisi boıynsha qylmystyq is qozǵalǵan.

«Polıııa jedel-tergeý tobyn qurdy. Oqıǵanyń barlyq mán-jaıyn anyqtaý úshin qajet saraptamalar júrgizildi. Aıǵaqtar jınaqtalyp, bekitildi,» – dep málimdedi departament.

Tergeýden keıin sot kúdiktini qamaýda ustaý týraly sheshim shyǵarǵan. Qazir tergeý amaldary júrgizilip jatqandyqtan, basqa málimetter jarııalanbaıdy.

Eske salaıyq, buǵan deıin dıplomattyń áıeli Karına Mamash 5 mamyrda Sáken Mamash úıine qonaqqa kelgen ápkesi men ony uryp-soqqanyn aıtqan edi. Osydan keıin syrtqy ister mınıstrligi Birikken arab ámirlikteri dıplomatyn turmystyq zorlyq-zombylyq jasady degen aıyppen Qazaqstanǵa shaqyryp aldy. 9 mamyrda áıel Astanaǵa oraldy. Qaýipsizdik úshin Karına balalarymen birge daǵdarys ortalyǵyna ornalasty. Sheneýniktiń áıeli kúıeýinen 10 jyldan beri zábir kórip kele jatqanyn aıtyp, kómek suraǵan edi.