ەكس-ماجىلىسمەن سادىقوۆتىڭ قىزى: حاراسسمەنتكە قارسىمىن, كىمگە سەنەرىمدى بىلمەيمىن

فوتو: ينبيزنەس.كز

قازاقستاندىق ءانشى دانەليا سادىقوۆا اكەسى اسقار سادىقوۆقا قاتىستى جايتقا پىكىر ءبىلدىردى, – دەپ حابارلايدى qandastar.kz

«اكەم اسقار سادىقوۆ ايىپتالىپ وتىر. شىنىمدى ايتسام,  نە ىستەرىمدى, كىمگە سەنەرىمدى بىلمەيمىن. حاراسسمەنتتى قۇپتامايمىن, بۇل ماعان اۋىر ءتيدى», – دەيدى ول.

ايتا كەتەيىك, اسقار سادىقوۆ ايەل ادامعا ۇياتسىز حاتتار جازىپ, پارتيادان شىعارىلعان بولاتىن.

«شاعىمداردىڭ دەنى ونىڭ تەرىس ءىس-ارەكەتتەرىنە, اتاپ ايتقاندا, وكىلەتتىگىن اسىرا پايدالانۋ مەن ەتيكالىق نورمالاردى بۇزۋىنا بايلانىستى بولدى. شاعىمداردىڭ ارقايسىسى بويىنشا جەكە-جەكە فاكتىلەر كەلتىرۋگە بولاتىن بولسا دا, ءبىر عانا مىسالدى اتاپ ءوتۋ جەتكىلىكتى دەپ ويلايمىن.

ماسەلەن, پارلامەنتتە (پارتيادا ەمەس) جۇمىس ىستەيتىن ءبىر ايەل ادام اسقار سادىقوۆتىڭ بىرنەشە رەت ۇياتسىز ۇسىنىستار جاساپ, قىسىم كورسەتكەنى تۋرالى ايتىپ, ارىزداندى. ول ءوزىنىڭ سوزىنە دالەل رەتىندە ۋاتسابىنا اسقار سادىقوۆتان كەلگەن حابارلامالاردىڭ سكرينىن كورسەتتى (ەتيكالىق سەبەپتەرگە بايلانىستى ونىڭ بوپسالاۋىنا تاپ بولعان ايەلدىڭ ەسىمى جاسىرىلعان)», – دەگەن ەدى بۇعان قاتىستى ا.پەرۋاشەۆ.