ەكس-ءمينيستردىڭ ۇلى «قازمۇنايگازدىڭ» باسشىلىعىنا تاعايىندالدى

فوتو: t.me/kmgpress

توتەنشە جاعدايلار مينيسترلىگىنىڭ بۇرىنعى باسشىسى يۋري ءيليننىڭ ۇلى يگور يلين «KMG PetroChem» جشس باسقارماسىنىڭ باسشىلىعىنا تاعايىندالدى, دەپ  جازدى qandastar.kz

“يگور يلين «KMG PetroChem» جشس («قازمۇنايگاز» ۇك اق ەنشىلەس كاسىپورنى) باسقارما توراعاسى بولىپ تاعايىندالدى. جاڭا باسشىنى كومپانيا ۇجىمىنا «قازمۇنايگاز» ۇك» اق باسقارما توراعاسىنىڭ ورىنباسارى داستان ابدۋلعافاروۆ تانىستىردى”, – دەپ جازدى “قازمۇنايگاز» ۇق اق.

بۇعان دەيىن يگور يلين «KarabatanUtility Solutions» جشس باسقارما توراعاسى قىزمەتىن اتقارعان. سونداي-اق ول «واەك» اق, «سامۇرىق-ەنەرگو» اق, «قازاق مۇناي جانە گاز ينستيتۋتى» جشس عىلىمي-زەرتتەۋ ورتالىعىندا باسشىلىق قىزمەتتەردە بولدى.

يگور يلين 2012 جىلى تاعىلىمدامادان كەيىن ەڭبەك جولىن Worley Parsons كومپانياسىندا باستاعان. قازاق-بريتان تەحنيكالىق ۋنيۆەرسيتەتىن «اۆتوماتيزاتسيا جانە باسقارۋ» ماماندىعى بويىنشا ءتامامدادى.